کسی مریض کی چارہ گری نہ کر پائے

کسی مریض کی چارہ گری نہ کر پائے

یہ گھر بھی دور مری بے گھری نہ کر پائے

میں کیا کروں کہ تسلط خمیر میں ہی نہ تھا

تمام عمر کوئی نوکری نہ کر پائے

شب وصال گزاری اداس رہتے ہوئے

درخت بھی مری دنیا ہری نہ کر پائے

غزل وہی ہے جو قاری کا دل ہلا ڈالے

وکیل کیا ہے جو ملزم بری نہ کر پائے

ہنر کا ربط ریاضت سے ہے عطا سے نہیں

حسین لوگ کبھی دلبری نہ کر پائے

فعول فعل مفاعیل کر لیا لیکن

عروضیوں کی قسم شاعری نہ کر پائے

بتاؤ دہریوں سے کیا مناظرہ کرو گے

وہابیوں کو تو تم قادری نہ کر پائے

ہر ایک چیز کو حد میں رکھا گیا حمزہؔ

مبالغے میں بھی اس کو پری نہ کرے پائے