kisi ne phir se lagai sada udasi ki

kisī ne phir se lagā.ī sadā udāsī kī

palaT ke aane lagī hai fazā udāsī kī

bahut uḌegā yahāñ par fasurdagī kā ġhubār

ki phir se chalne lagī hai havā udāsī kī

zamīn-e-dil pe mohabbat kī āb-yārī ko

bahut hī TuuT ke barsī ghaTā udāsī kī

nazar nazar meñ udāsī dikhā.ī dene lagī

nagar nagar meñ hai phailī vabā udāsī kī

kisī tabīb kisī chārāgar ke paas nahīñ

koī ilaaj koī bhī davā udāsī kī

koī ilaaj nahīñ hai to phir duā hī kareñ

ki chhoḌ jaa.e hameñ ye balā udāsī kī

ai āftāb ye aalam tirā ġhurūb ke vaqt

sikhā.ī kis ne tujhe ye adā udāsī kī

zamīn-zādoñ ko virsa milā hai aadam se

huī thī ḳhuld se hī ibtidā udāsī kī

ye tere dil se tirī ruuh meñ utar jaa.e

bichhaḌne vaale ne dī thī duā udāsī kī

ye dil kā kaasa abhī ḳhaam hai ai kūza-gar

tū aur aañch pe us ko tapā udāsī kī

kisi ne phir se lagai sada udasi ki

palaT ke aane lagi hai faza udasi ki

bahut uDega yahan par fasurdagi ka ghubar

ki phir se chalne lagi hai hawa udasi ki

zamin-e-dil pe mohabbat ki aab-yari ko

bahut hi TuT ke barsi ghaTa udasi ki

nazar nazar mein udasi dikhai dene lagi

nagar nagar mein hai phaili waba udasi ki

kisi tabib kisi chaaragar ke pas nahin

koi ilaj koi bhi dawa udasi ki

koi ilaj nahin hai to phir dua hi karen

ki chhoD jae hamein ye bala udasi ki

ai aaftab ye aalam tera ghurub ke waqt

sikhai kis ne tujhe ye ada udasi ki

zamin-zadon ko wirsa mila hai aadam se

hui thi KHuld se hi ibtida udasi ki

ye tere dil se teri ruh mein utar jae

bichhaDne wale ne di thi dua udasi ki

ye dil ka kasa abhi KHam hai ai kuza-gar

tu aur aanch pe us ko tapa udasi ki