koi aarzu nahin hai koi muddaa nahin hai
koī aarzū nahīñ hai koī mudda.ā nahīñ hai
tirā ġham rahe salāmat mire dil meñ kyā nahīñ hai
kahāñ jām-e-ġham kī talḳhī kahāñ zindagī kā darmāñ
mujhe vo davā milī hai jo mirī davā nahīñ hai
tū bachā.e laakh dāman mirā phir bhī hai ye da.avā
tire dil meñ maiñ hī maiñ huuñ koī dūsrā nahīñ hai
tumheñ kah diyā sitam-gar ye qusūr thā zabāñ kā
mujhe tum muaaf kar do mirā dil burā nahīñ hai
mujhe dost kahne vaale zarā dostī nibhā de
ye mutālba hai haq kā koī iltijā nahīñ hai
ye udaas udaas chehre ye hasīñ hasīñ tabassum
tirī anjuman meñ shāyad koī aa.inā nahīñ hai
mirī aañkh ne tujhe bhī ba-ḳhudā 'shakīl' paayā
maiñ samajh rahā thā mujh sā koī dūsrā nahīñ hai
koi aarzu nahin hai koi muddaa nahin hai
tera gham rahe salamat mere dil mein kya nahin hai
kahan jam-e-gham ki talKHi kahan zindagi ka darman
mujhe wo dawa mili hai jo meri dawa nahin hai
tu bachae lakh daman mera phir bhi hai ye dawa
tere dil mein main hi main hun koi dusra nahin hai
tumhein kah diya sitam-gar ye qusur tha zaban ka
mujhe tum muaf kar do mera dil bura nahin hai
mujhe dost kahne wale zara dosti nibha de
ye mutalba hai haq ka koi iltija nahin hai
ye udas udas chehre ye hasin hasin tabassum
teri anjuman mein shayad koi aaina nahin hai
meri aankh ne tujhe bhi ba-KHuda 'shakil' paya
main samajh raha tha mujh sa koi dusra nahin hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
