koi kisi se KHush ho aur wo bhi barha ho ye baat to ghalat hai

koī kisī se ḳhush ho aur vo bhī bārhā ho ye baat to ġhalat hai

rishta libās ban kar mailā nahīñ huā ho ye baat to ġhalat hai

vo chāñd rahguzar kā sāthī jo thā safar thā mo.ajiza nazar kā

har baar kī nazar se raushan vo mo.ajiza ho ye baat to ġhalat hai

hai baat us kī achchhī lagtī hai dil ko sachchī phir bhī hai thoḌī kachchī

jo us kā hādisa hai merā bhī tajraba ho ye baat to ġhalat hai

dariyā hai bahtā paanī har mauj hai ravānī ruktī nahīñ kahānī

jitnā likhā gayā hai itnā hī vāqi.a ho ye baat to ġhalat hai

ye yug hai kārobārī har shai hai ishtihārī raaja ho yā bhikārī

shohrat hai jis kī jitnī itnā hī martaba ho ye baat to ġhalat hai

koi kisi se KHush ho aur wo bhi barha ho ye baat to ghalat hai

rishta libas ban kar maila nahin hua ho ye baat to ghalat hai

wo chand rahguzar ka sathi jo tha safar tha moajiza nazar ka

har bar ki nazar se raushan wo moajiza ho ye baat to ghalat hai

hai baat us ki achchhi lagti hai dil ko sachchi phir bhi hai thoDi kachchi

jo us ka hadisa hai mera bhi tajraba ho ye baat to ghalat hai

dariya hai bahta pani har mauj hai rawani rukti nahin kahani

jitna likha gaya hai itna hi waqia ho ye baat to ghalat hai

ye yug hai karobari har shai hai ishtihaari raja ho ya bhikari

shohrat hai jis ki jitni itna hi martaba ho ye baat to ghalat hai