kya hamare ashk ki qimat nahin boli gai

kyā hamāre ashk kī qīmat nahīñ bolī ga.ī

kyuuñ hamāre gaañv kī saḌkeñ nahīñ badlī ga.ī

ab jahāñ meñ koī bhī insān mujh ko na dikhā

ye kisī kī soch hai ham se nahīñ sochī ga.ī

ḳhātma puurī tarah insāniyat kā kab huā

bas ridā lāchār kī oḌhe huī suutī ga.ī

hai abhī bhī ishq liilā aur majnūñ kī tarah

vo hamāre naam pe ḳhud kī balī chaḌhtī ga.ī

kyā pata us ko mirī kaisī adā mahbūb ho

raah meñ titlī ka.ī andāz se uḌtī ga.ī

bāhamī ranjish to firqa ḳhuub aapas meñ laḌe

ḳhuun ke mīzān meñ qaumeñ mirī tolī ga.ī

jī rahī hai gar siyāsat sar uThā kar to janāb

laash bhī bahtī nadī meñ shaan sī terī ga.ī

maañ agar ġhussa kare to baad meñ rūThe nahīñ

saḳht hai buniyād par itnī namī rakkhī ga.ī

phek do ghar se hayā bāzār meñ bikte raho

baap ko ghar ke kisī kone meñ jaañ de dī ga.ī

ham bahut majbūr apne aap meñ tab se hue

jab lakīreñ yaar kī aġhyār se miltī ga.ī

raah meñ kāñTeñ bahut the paañv merā phuul thā

dhaar se ḳhushbū miyān-e-rāh meñ laḌtī ga.ī

qatl pahle bhī bahut āsān thā ab bhī vahī

sūrat-e-qātil hukūmat kī tarah badlī ga.ī

sāhib-e-irfān 'ġhālib' se shikāyat ye kareñ

kyuuñ ġhazal be-nām tere naam se joḌī ga.ī

kya hamare ashk ki qimat nahin boli gai

kyun hamare ganw ki saDken nahin badli gai

ab jahan mein koi bhi insan mujh ko na dikha

ye kisi ki soch hai hum se nahin sochi gai

KHatma puri tarah insaniyat ka kab hua

bas rida lachaar ki oDhe hui suti gai

hai abhi bhi ishq lila aur majnun ki tarah

wo hamare nam pe KHud ki bali chaDhti gai

kya pata us ko meri kaisi ada mahbub ho

rah mein titli kai andaz se uDti gai

bahami ranjish to firqa KHub aapas mein laDe

KHun ke mizan mein qaumen meri toli gai

ji rahi hai gar siyasat sar uTha kar to janab

lash bhi bahti nadi mein shan si teri gai

man agar ghussa kare to baad mein ruThe nahin

saKHt hai buniyaad par itni nami rakkhi gai

phek do ghar se haya bazar mein bikte raho

bap ko ghar ke kisi kone mein jaan de di gai

hum bahut majbur apne aap mein tab se hue

jab lakiren yar ki aghyar se milti gai

rah mein kanTen bahut the panw mera phul tha

dhaar se KHushbu miyan-e-rah mein laDti gai

qatl pahle bhi bahut aasan tha ab bhi wahi

surat-e-qatil hukumat ki tarah badli gai

sahib-e-irfan 'ghaalib' se shikayat ye karen

kyun ghazal be-nam tere nam se joDi gai