kyun-kar na lae rang gulistan nae nae

kyūñ-kar na laa.e rañg gulistāñ na.e na.e

gaate haiñ raag murġh-e-ḳhush-alhāñ na.e na.e

shā.er na.e na.e haiñ suḳhan-dāñ na.e na.e

paidā hue haiñ ab to ġhazal-ḳhvāñ na.e na.e

dilbar matā-e-dil ke haiñ ḳhvāhāñ na.e na.e

kartā hai husn ishq ke sāmāñ na.e na.e

āseb-e-ishq sar se utartā nahīñ mire

likhtā hai naqsh roz parī-ḳhvāñ na.e na.e

bahkā ke tum ko koī lagā le na raah par

nikle ho aaj ghar se mirī jaañ na.e na.e

zoroñ pe haiñ junūñ kī badaulat hamāre haath

hote haiñ taar taar garebāñ na.e na.e

har roz ek vādī-e-nau sair-gāh hai

vahshat dikhā rahī hai bayābāñ na.e na.e

kis darja tañg huuñ tire hāthoñ se ai junūñ

lā.ūñ kahāñ se roz garebāñ na.e na.e

ġham kā guzar hai gaah gahe ḳhurmī kā daḳhl

aate haiñ roz ghar mire mehmāñ na.e na.e

sūrat se ik parī kī hameñ ishq-e-tāza hai

dīvāne ham hue haiñ sulaimāñ na.e na.e

har martaba zamāne ko hotā hai inqalāb

laatī hai svāñg gardish-e-daurāñ na.e na.e

mulk-e-adam hai yā koī nañgoñ kā shahr hai

har roz vaañ se aate haiñ uryāñ na.e na.e

ik taaza gul kā sāmnā hotā hai har baras

detā hai daaġh dil pe gulistāñ na.e na.e

pāband ik maqām ke hote nahīñ haiñ mard

sheroñ ke vāste haiñ niyastāñ na.e na.e

us zulf ke ḳhayāl meñ āñkheñ to band kar

dikhlā.ī deñge ḳhvāb-e-pareshāñ na.e na.e

kis kis tarah se chehre pe lahrā ke aatī hai

kartī hai naaz zulf-e-pareshāñ na.e na.e

āThoñ pahar hai ab to tabāhī kā sāmnā

uThte haiñ roz ashk ke tūfāñ na.e na.e

ro.egā kohna-sālī meñ ahd-e-shabāb ko

jab TuuT kar na nikleñge dandāñ na.e na.e

phirtā nahīñ vo dast-e-nigārīñ kisī tarah

kartā hai zor panja-e-marjāñ na.e na.e

kar sair chashm-e-ġhaur se jo zauq-e-sher hai

mazmūñ dikhā.egā mirā dīvāñ na.e na.e

hañs hañs ke baar baar na kyūñ-kar dikhā.eñ aap

nām-e-ḳhudā nikāle haiñ dandāñ na.e na.e

kyun-kar na lae rang gulistan nae nae

gate hain rag murgh-e-KHush-alhan nae nae

shaer nae nae hain suKHan-dan nae nae

paida hue hain ab to ghazal-KHwan nae nae

dilbar mata-e-dil ke hain KHwahan nae nae

karta hai husn ishq ke saman nae nae

aaseb-e-ishq sar se utarta nahin mere

likhta hai naqsh roz pari-KHwan nae nae

bahka ke tum ko koi laga le na rah par

nikle ho aaj ghar se meri jaan nae nae

zoron pe hain junun ki badaulat hamare hath

hote hain tar tar gareban nae nae

har roz ek wadi-e-nau sair-gah hai

wahshat dikha rahi hai bayaban nae nae

kis darja tang hun tere hathon se ai junun

laun kahan se roz gareban nae nae

gham ka guzar hai gah gahe KHurmi ka daKHl

aate hain roz ghar mere mehman nae nae

surat se ek pari ki hamein ishq-e-taza hai

diwane hum hue hain sulaiman nae nae

har martaba zamane ko hota hai inqalab

lati hai swang gardish-e-dauran nae nae

mulk-e-adam hai ya koi nangon ka shahr hai

har roz wan se aate hain uryan nae nae

ek taza gul ka samna hota hai har baras

deta hai dagh dil pe gulistan nae nae

paband ek maqam ke hote nahin hain mard

sheron ke waste hain niyastan nae nae

us zulf ke KHayal mein aankhen to band kar

dikhlai denge KHwab-e-pareshan nae nae

kis kis tarah se chehre pe lahra ke aati hai

karti hai naz zulf-e-pareshan nae nae

aaThon pahar hai ab to tabahi ka samna

uThte hain roz ashk ke tufan nae nae

roega kohna-sali mein ahd-e-shabab ko

jab TuT kar na niklenge dandan nae nae

phirta nahin wo dast-e-nigarin kisi tarah

karta hai zor panja-e-marjaan nae nae

kar sair chashm-e-ghaur se jo zauq-e-sher hai

mazmun dikhaega mera diwan nae nae

hans hans ke bar bar na kyun-kar dikhaen aap

nam-e-KHuda nikale hain dandan nae nae