main jaanta hun wo nazdik o dur mera tha

maiñ jāntā huuñ vo nazdīk o duur merā thā

bichhaḌ gayā jo maiñ us se qusūr merā thā

jo paañv aa.e the ghar tak mire vo us ke the

vo dil baḌhā thā jo us ke huzūr merā thā

baḌā ġhurūr thā donoñ ko ham-navā.ī par

nigāh us kī thī lekin surūr merā thā

vo aañkh merī thī jo us ke sāmne nam thī

ḳhamosh vo thā ki yaum-e-nushūr merā thā

kahā ye sab ne ki jo vaar the usī par the

magar ye kyā ki badan chuur chuur merā thā

main jaanta hun wo nazdik o dur mera tha

bichhaD gaya jo main us se qusur mera tha

jo panw aae the ghar tak mere wo us ke the

wo dil baDha tha jo us ke huzur mera tha

baDa ghurur tha donon ko ham-nawai par

nigah us ki thi lekin surur mera tha

wo aankh meri thi jo us ke samne nam thi

KHamosh wo tha ki yaum-e-nushur mera tha

kaha ye sab ne ki jo war the usi par the

magar ye kya ki badan chur chur mera tha