mauja-e-KHun-e-pareshan kahan jata hai
mauja-e-ḳhūn-e-pareshān kahāñ jaatā hai
mujh se aage mirā tūfān kahāñ jaatā hai
chaa.e kī pyālī meñ tasvīr vahī hai ki jo thī
yuuñ chale jaane se mehmān kahāñ jaatā hai
maiñ to jaatā huuñ bayābān-e-nazar ke us paar
mere ham-rāh bayābān kahāñ jaatā hai
baat yūñhī to nahīñ kartā huuñ maiñ ruk ruk kar
kyā batā.ūñ ki mirā dhyān kahāñ jaatā hai
ghar badalnā to bahāna hai bahāna kar ke
andar andar hī se insān kahāñ jaatā hai
dāstāñ-go kī nishānī koī rakkhī hai ki vo
dāstāñ-goī ke daurān kahāñ jaatā hai
ab to dariyā meñ bañdhe baiThe haiñ dariyā kī tarah
ab kināroñ kī taraf dhyān kahāñ jaatā hai
mauja-e-KHun-e-pareshan kahan jata hai
mujh se aage mera tufan kahan jata hai
chae ki pyali mein taswir wahi hai ki jo thi
yun chale jaane se mehman kahan jata hai
main to jata hun bayaban-e-nazar ke us par
mere ham-rah bayaban kahan jata hai
baat yunhi to nahin karta hun main ruk ruk kar
kya bataun ki mera dhyan kahan jata hai
ghar badalna to bahana hai bahana kar ke
andar andar hi se insan kahan jata hai
dastan-go ki nishani koi rakkhi hai ki wo
dastan-goi ke dauran kahan jata hai
ab to dariya mein bandhe baiThe hain dariya ki tarah
ab kinaron ki taraf dhyan kahan jata hai
- Book : Ghazal Calendar-2015 (Pg. 21.07.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
