ji mein hai yaad ruKH-o-zulf-e-siyah-fam bahut
jī meñ hai yaad ruḳh-o-zulf-e-siyah-fām bahut
ronā aatā hai mujhe har sahar-o-shām bahut
dast-e-sayyād talak bhī na maiñ pahuñchā jiitā
be-qarārī ne liyā mujh ko tah-e-dām bahut
ek do chashmak idhar gardish-e-sāġhar ki mudām
sar chaḌhī rahtī hai ye gardish-e-ayyām bahut
dil-ḳharāshī-o-jigar-chākī-o-ḳhūñ-afshānī
huuñ to nākām pe rahte haiñ mujhe kaam bahut
rah gayā dekh ke tujh chashm pe ye satar-e-mizha
sāqiyā yuuñ to paḌhe the maiñ ḳhat-e-jām bahut
phir na aa.e jo hue ḳhaak meñ jā āsūda
ġhāliban zer-e-zamīñ 'mīr' hai ārām bahut
ji mein hai yaad ruKH-o-zulf-e-siyah-fam bahut
rona aata hai mujhe har sahar-o-sham bahut
dast-e-sayyaad talak bhi na main pahuncha jita
be-qarari ne liya mujh ko tah-e-dam bahut
ek do chashmak idhar gardish-e-saghar ki mudam
sar chaDhi rahti hai ye gardish-e-ayyam bahut
dil-KHarashi-o-jigar-chaaki-o-KHun-afshani
hun to nakaam pe rahte hain mujhe kaam bahut
rah gaya dekh ke tujh chashm pe ye satar-e-mizha
saqiya yun to paDhe the main KHat-e-jam bahut
phir na aae jo hue KHak mein ja aasuda
ghaaliban zer-e-zamin 'mir' hai aaram bahut
- Book : MIRIYAAT - Diwan No- 1, Ghazal No- 0185
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.