sab jhaD phunk sikh gae shaiKH ji se hum

Bazagh Bihari

sab jhaD phunk sikh gae shaiKH ji se hum

Bazagh Bihari

MORE BYBazagh Bihari

    sab jhaaḌ phūñk siikh ga.e shaiḳh se ham

    murġhe ko zab.h karte haiñ ulTī chhurī se ham

    bachpan meñ kyā aTaik kiyā thā zukām ne

    parhez kar rahe haiñ abhī tak dahī se ham

    habit kuchh is tarah huī khā khā ke Dalda

    jiz-biz se hone lagte haiñ ḳhushbū-e-ghī se ham

    muñh apnā ek baar jalā thā jo duudh se

    piine lage haiñ phūñk ke maThThā tabhī se ham

    jis shā.erī se shaiḳh haiñ faaqe meñ mubtalā

    rozī kamā rahe haiñ usī shā.erī se ham

    ḳhushbū-e-murġh aatī hai har lafz lafz se

    karte haiñ guftugū jo kisī maulvī se ham

    aane do vaqt tum ko chakhā.eñge vo maza

    is zimn meñ batā.eñ bhalā kyā abhī se ham

    jab se huā hai mahfil-e-'bāzaġh' se rābta

    nāgāh kaT ga.e haiñ sabhā meñ sabhī se ham

    sab jhaD phunk sikh gae shaiKH ji se hum

    murghe ko zabh karte hain ulTi chhuri se hum

    bachpan mein kya aTaik kiya tha zukaam ne

    parhez kar rahe hain abhi tak dahi se hum

    habit kuchh is tarah hui kha kha ke Dalda

    jiz-biz se hone lagte hain KHushbu-e-ghi se hum

    munh apna ek bar jala tha jo dudh se

    pine lage hain phunk ke maThTha tabhi se hum

    jis shaeri se shaiKH hain faqe mein mubtala

    rozi kama rahe hain usi shaeri se hum

    KHushbu-e-murgh aati hai har lafz lafz se

    karte hain guftugu jo kisi maulwi se hum

    aane do waqt tum ko chakhaenge wo maza

    is zimn mein bataen bhala kya abhi se hum

    jab se hua hai mahfil-e-'bazagh' se rabta

    nagah kaT gae hain sabha mein sabhi se hum

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now