mujhe shakl de ke tamam kar kaf-e-kuza-gar

mujhe shakl de ke tamām kar kaf-e-kūza-gar

kabhī kū-ba-kū mujhe aam kar kaf-e-kūza-gar

kisī sub.h mujh ko vajūd de mire rū-ba-rū

kisī shaam mujh se kalām kar kaf-e-kūza-gar

mujhe aañch de kisī dopahar ke farāġh meñ

kisī raat mujh meñ qayām kar kaf-e-kūza-gar

mujhe chhū ke lams-shanās kar kisī sah-pahar

mirī ruuh tak meñ ḳhirām kar kaf-e-kūza-gar

kabhī puurā din isī ḳhaak par mire saath rah

isī kunj meñ koī shaam kar kaf-e-kūza-gar

kabhī shab Dhale koī shakl merī ḳhabar ko de

ġham-e-be-jahat ko maqām kar kaf-e-kūza-gar

maiñ jo ek zarra-e-reg huuñ tah-e-reg huuñ

kabhī mujh ko mahr-e-tamām kar kaf-e-kūza-gar

mujhe dā.eroñ ke hujūm meñ kahīñ bhej de

mirī vus.atoñ ko davām kar kaf-e-kūza-gar

kabhī le ke aa mirī ḳhaak nīl-o-furāt se

koī vāqi.a mire naam kar kaf-e-kūza-gar

mujhe shakl de ke tamam kar kaf-e-kuza-gar

kabhi ku-ba-ku mujhe aam kar kaf-e-kuza-gar

kisi subh mujh ko wajud de mere ru-ba-ru

kisi sham mujh se kalam kar kaf-e-kuza-gar

mujhe aanch de kisi dopahar ke faragh mein

kisi raat mujh mein qayam kar kaf-e-kuza-gar

mujhe chhu ke lams-shanas kar kisi sah-pahar

meri ruh tak mein KHiram kar kaf-e-kuza-gar

kabhi pura din isi KHak par mere sath rah

isi kunj mein koi sham kar kaf-e-kuza-gar

kabhi shab Dhale koi shakl meri KHabar ko de

gham-e-be-jahat ko maqam kar kaf-e-kuza-gar

main jo ek zarra-e-reg hun tah-e-reg hun

kabhi mujh ko mahr-e-tamam kar kaf-e-kuza-gar

mujhe daeron ke hujum mein kahin bhej de

meri wusaton ko dawam kar kaf-e-kuza-gar

kabhi le ke aa meri KHak nil-o-furaat se

koi waqia mere nam kar kaf-e-kuza-gar