mustaqar ki KHwahish mein muntashir se rahte hain
mustaqar kī ḳhvāhish meñ muntashir se rahte haiñ
be-kanār dariyā meñ lafz lafz bahte haiñ
sab ulaT-palaT dī haiñ sarf-o-nahv-e-derīna
zaḳhm zaḳhm jiite haiñ lamha lamha sahte haiñ
yaar log kahte haiñ ḳhvāb kā mazār us ko
az-rah-e-ravāyat ham ḳhvāb-gāh kahte haiñ
raushnī kī kirneñ haiñ yā lahū añdhere kā
surḳh-rañg qatre jo rauzanoñ se bahte haiñ
ye kyā bad-mazāqī hai gard jhāḌte kyuuñ ho
is makān-e-ḳhasta meñ yaar ham bhī rahte haiñ
mustaqar ki KHwahish mein muntashir se rahte hain
be-kanar dariya mein lafz lafz bahte hain
sab ulaT-palaT di hain sarf-o-nahw-e-derina
zaKHm zaKHm jite hain lamha lamha sahte hain
yar log kahte hain KHwab ka mazar us ko
az-rah-e-rawayat hum KHwab-gah kahte hain
raushni ki kirnen hain ya lahu andhere ka
surKH-rang qatre jo rauzanon se bahte hain
ye kya bad-mazaqi hai gard jhaDte kyun ho
is makan-e-KHasta mein yar hum bhi rahte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
