mutakabbir na ho zardar baDi mushkil hai

mutakabbir na ho zardār baḌī mushkil hai

sab hai āsān ye sarkār baḌī mushkil hai

kufr par ḳhalq hai tayyār baḌī mushkil hai

diin bilkul nahīñ darkār baḌī mushkil hai

kaise TeḌhā na chale maar baḌī mushkil hai

sīdhī ho zulf-e-girah-dār baḌī mushkil hai

aur hoñge vo koī daam meñ aane vaale

murġh-e-dānā ho giraftār baḌī mushkil hai

dil hai ġhamnāk to kaunain hai mātam-ḳhāna

rote haiñ sab dar-o-dīvār baḌī mushkil hai

log kahte haiñ ki dil us ko na denā lekin

ba.ad iqrār kai inkār baḌī mushkil hai

sho.ala-e-husn-e-butāñ phūñk na de aalam ko

surḳh haiñ phuul se ruḳhsār baḌī mushkil hai

in dinoñ hazrat-e-yūsuf kī vo nā-qadrī hai

nahīñ buḌhiyā bhī ḳharīdār burī mushkil hai

mil ke rahnā hī nahiñ jāntā yaañ ab koī

jān-o-dil meñ bhī hai takrār baḌī mushkil hai

na taraddud kā mazā hai na sukūñ kī lazzat

kabhī va.ada kabhī inkār baḌī mushkil hai

tālib-e-sulh huuñ maiñ aur nazar tālib-e-jañg

raat din laḌne pe tayyār baḌī mushkil hai

haa.e duniyā meñ kisī meñ nahīñ itnī bhī vafā

jitnā kuttā hai vafādār baḌī mushkil hai

aaj tum teġh-ba-kaf ho to safā-chaT maidāñ

kaun marne pe ho tayyār baḌī mushkil hai

jins-e-dil bechne kī ham ko zarūrat 'parvīñ'

aur ma.adūm ḳharīdār baḌī mushkil hai

mutakabbir na ho zardar baDi mushkil hai

sab hai aasan ye sarkar baDi mushkil hai

kufr par KHalq hai tayyar baDi mushkil hai

din bilkul nahin darkar baDi mushkil hai

kaise TeDha na chale mar baDi mushkil hai

sidhi ho zulf-e-girah-dar baDi mushkil hai

aur honge wo koi dam mein aane wale

murgh-e-dana ho giraftar baDi mushkil hai

dil hai ghamnak to kaunain hai matam-KHana

rote hain sab dar-o-diwar baDi mushkil hai

log kahte hain ki dil us ko na dena lekin

baad iqrar kai inkar baDi mushkil hai

shoala-e-husn-e-butan phunk na de aalam ko

surKH hain phul se ruKHsar baDi mushkil hai

in dinon hazrat-e-yusuf ki wo na-qadri hai

nahin buDhiya bhi KHaridar buri mushkil hai

mil ke rahna hi nahin jaanta yan ab koi

jaan-o-dil mein bhi hai takrar baDi mushkil hai

na taraddud ka maza hai na sukun ki lazzat

kabhi wada kabhi inkar baDi mushkil hai

talib-e-sulh hun main aur nazar talib-e-jang

raat din laDne pe tayyar baDi mushkil hai

hae duniya mein kisi mein nahin itni bhi wafa

jitna kutta hai wafadar baDi mushkil hai

aaj tum tegh-ba-kaf ho to safa-chaT maidan

kaun marne pe ho tayyar baDi mushkil hai

jins-e-dil bechne ki hum ko zarurat 'parwin'

aur madum KHaridar baDi mushkil hai