na gul-e-naghma hun na parda-e-saz

na gul-e-naġhma huuñ na parda-e-sāz

maiñ huuñ apnī shikast kī āvāz

tū aur ārā.ish-e-ḳham-e-kākul

maiñ aur andesha-hā-e-dūr-darāz

lāf-e-tamkīñ fareb-e-sāda-dilī

ham haiñ aur rāz-hā-e-sīna-gudāz

huuñ giraftār-e-ulfat-e-sayyād

varna baaqī hai tāqat-e-parvāz

vo bhī din ho ki us sitamgar se

naaz khīñchūñ bajā.e hasrat-e-nāz

nahīñ dil meñ mire vo qatra-e-ḳhūñ

jis se mizhgāñ huī na ho gul-bāz

ai tirā ġhamza yak-qalam-añgez

ai tirā zulm sar-ba-sar andāz

tū huā jalva-gar mubārak ho

rezish-e-sajda-e-jabīn-e-niyāz

mujh ko pūchhā to kuchh ġhazab na huā

maiñ ġharīb aur tū ġharīb-navāz

'asad'-ullāh ḳhaañ tamām huā

ai dareġhā vo rind-e-shāhid-bāz

na gul-e-naghma hun na parda-e-saz

main hun apni shikast ki aawaz

tu aur aaraish-e-KHam-e-kakul

main aur andesha-ha-e-dur-daraaz

laf-e-tamkin fareb-e-sada-dili

hum hain aur raaz-ha-e-sina-gudaz

hun giraftar-e-ulfat-e-sayyaad

warna baqi hai taqat-e-parwaz

wo bhi din ho ki us sitamgar se

naz khinchun bajae hasrat-e-naz

nahin dil mein mere wo qatra-e-KHun

jis se mizhgan hui na ho gul-baz

ai tera ghamza yak-qalam-angez

ai tera zulm sar-ba-sar andaz

tu hua jalwa-gar mubarak ho

rezish-e-sajda-e-jabin-e-niyaz

mujh ko puchha to kuchh ghazab na hua

main gharib aur tu gharib-nawaz

'asad'-ullah KHan tamam hua

ai daregha wo rind-e-shahid-baz