na jaane dil kahan rahne laga hai

na jaane dil kahāñ rahne lagā hai

ka.ī din se badan suunā paḌā hai

kisī jañgal meñ kyuuñ jaatā nahīñ hai

are ye peḌ kyuuñ tanhā khaḌā hai

muñDeroñ pe kabūtar nāchte haiñ

kivāḌoñ par siyah taalā paḌā hai

koī to ghar kī sham.oñ ko jalā.e

darīchoñ meñ añdherā ho chalā hai

ye dīvāreñ bhī ab girne lagī haiñ

yahāñ bhī vaqt kā saayā paḌā hai

chalā-chal dekh Das jaa.e na tujh ko

tire pīchhe tirā saayā lagā hai

sanobar kī ghanī shāḳhoñ pe 'alvī'

parindoñ kā ajab melā lagā hai

na jaane dil kahan rahne laga hai

kai din se badan suna paDa hai

kisi jangal mein kyun jata nahin hai

are ye peD kyun tanha khaDa hai

munDeron pe kabutar nachte hain

kiwaDon par siyah tala paDa hai

koi to ghar ki shamon ko jalae

darichon mein andhera ho chala hai

ye diwaren bhi ab girne lagi hain

yahan bhi waqt ka saya paDa hai

chala-chal dekh Das jae na tujh ko

tere pichhe tera saya laga hai

sanobar ki ghani shaKHon pe 'alwi'

parindon ka ajab mela laga hai