nahin dete kiraya sal bhar se

nahīñ dete kirāya saal bhar se

kaho un se ki nikleñ mere ghar se

marī jaatī huuñ sohbat ke asar se

jhukā jaatā nahīñ ab to kamar se

duā.eñ kar rahī huuñ sāl-bhar se

ilāhī jald aa.eñ vo safar se

tumheñ tab qadr hogī aabrū kī

guzar jā.egā jab paanī kamar se

nahīñ achchhe ye faaqe tiis din ke

miyāñ ramzān nikleñ mere ghar se

girī thī bach ga.ī masjid se guyyāñ

phirī huuñ maiñ ḳhudā ke aaj ghar se

tirā laḌkā tamāshe kā hai nargis

ḳhudā mahfūz rakkhe bad-nazar se

kisī ke kahne sunñe par na jaao

na jab tak dekh lo apnī nazar se

kahe ye kaun raaja jī se Dhāñko

khisak aaya hai pājāma kamar se

gilā āñkhoñ kā palkoñ se karoge

girā dūñgī agar tum ko nazar se

ḳhushī is kī hai mujh ko ai dogānā

milā hai ghar mirā 'shaidā' ke ghar se

nahin dete kiraya sal bhar se

kaho un se ki niklen mere ghar se

mari jati hun sohbat ke asar se

jhuka jata nahin ab to kamar se

duaen kar rahi hun sal-bhar se

ilahi jald aaen wo safar se

tumhein tab qadr hogi aabru ki

guzar jaega jab pani kamar se

nahin achchhe ye faqe tis din ke

miyan ramzan niklen mere ghar se

giri thi bach gai masjid se guyyan

phiri hun main KHuda ke aaj ghar se

tera laDka tamashe ka hai nargis

KHuda mahfuz rakkhe bad-nazar se

kisi ke kahne sunne par na jao

na jab tak dekh lo apni nazar se

kahe ye kaun raja ji se Dhanko

khisak aaya hai pajama kamar se

gila aankhon ka palkon se karoge

gira dungi agar tum ko nazar se

KHushi is ki hai mujh ko ai dogana

mila hai ghar mera 'shaida' ke ghar se