nahin kuchh aur to apne qarin pahunch sakte

nahīñ kuchh aur to apne qarīñ pahuñch sakte

jahāñ hamārī pahuñch hai vahīñ pahuñch sakte

kiran se tez hai raftār be-ḳhayālī kī

hamārī gard ko taare nahīñ pahuñch sakte

hameñ kahīñ na pahuñchne diyā tasāhul ne

badan na hotā to shāyad kahīñ pahuñch sakte

tanāzurāt pe rote ziyāda bolte kam

hamārī chup ko agar nukta-chīñ pahuñch sakte

umuq meñ itnī to hotī uchhāl kī quvvat

ki sat.h tak bhī tire tah-nashīñ pahuñch sakte

na ḳhaak phāñkte vahmoñ kī band galiyoñ meñ

kabhī jo tum sar-e-bāb-e-yaqīñ pahuñch sakte

talāzumāt se ho kar na jaanā paḌtā hameñ

ham apnī ramz ko apne ta.iiñ pahuñch sakte

nikal na paate agar aks-āfrīnī se

to asl tak na shabīh-āfrīñ pahuñch sakte

vahāñ ke shahr-e-ajā.ib meñ ghūmte mil kar

nashebī ziine se zer-e-zamīñ pahuñch sakte

pahuñch meñ hotī rasā.ī bhī nā-rasā.ī bhī

kahīñ pahuñch nahīñ sakte kahīñ pahuñch sakte

to phir ye saarī siyāhat fuzūl hai 'shāhid'

agar ham apnī fazā tak nahīñ pahuñch sakte

nahin kuchh aur to apne qarin pahunch sakte

jahan hamari pahunch hai wahin pahunch sakte

kiran se tez hai raftar be-KHayali ki

hamari gard ko tare nahin pahunch sakte

hamein kahin na pahunchne diya tasahul ne

badan na hota to shayad kahin pahunch sakte

tanazuraat pe rote ziyaada bolte kam

hamari chup ko agar nukta-chin pahunch sakte

umuq mein itni to hoti uchhaal ki quwwat

ki sath tak bhi tere tah-nashin pahunch sakte

na KHak phankte wahmon ki band galiyon mein

kabhi jo tum sar-e-bab-e-yaqin pahunch sakte

talazumat se ho kar na jaana paDta hamein

hum apni ramz ko apne tain pahunch sakte

nikal na pate agar aks-afrini se

to asl tak na shabih-afrin pahunch sakte

wahan ke shahr-e-ajaib mein ghumte mil kar

nashebi zine se zer-e-zamin pahunch sakte

pahunch mein hoti rasai bhi na-rasai bhi

kahin pahunch nahin sakte kahin pahunch sakte

to phir ye sari siyahat fuzul hai 'shahid'

agar hum apni faza tak nahin pahunch sakte