aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

qabr par baad-e-fana aaiyega

Wazir Ali Saba Lakhnavi

qabr par baad-e-fana aaiyega

Wazir Ali Saba Lakhnavi

MORE BYWazir Ali Saba Lakhnavi

    qabr par bād-e-fanā ā.iyegā

    be-mahal paañv na phailā.iyegā

    laakh ho vasl va.ada lekin

    vaqt par saaf nikal jā.iyegā

    jaa.eñ dam bhar ko to farmāte haiñ

    chhāvnī to na kahīñ chhā.iyegā

    sar hue is ke mulamma.a se na aap

    zulf-e-mushkīñ se ḳhatā pā.iyegā

    na kareñ aap vafā ham ko kyā

    bevafā aap kahlā.iyegā

    uTh gayā dil se duī pardā

    chhup ke ab aap kahāñ jā.iyegā

    kahkashāñ saaf banegā rasta

    aap tausan ko jo chamkā.iyegā

    rañg lā.egī nazākat baḌh kar

    phuul ke baar se pattā.iyegā

    kyā kareñ vasf-e-dahan Darte haiñ

    muñh meñ jo aa.egā farmā.iyegā

    zulf ko haath lagā.eñge jo ham

    beḌiyāñ paaoñ meñ pahnā.iyegā

    dekheñ raġhbat se to kahtā hai vo shoḳh

    koī halvā hai ki khā jā.iyegā

    kyā kiyā ishq ne kyuuñ hazrat-e-dil

    ham na kahte the ki pachhtā.iyegā

    aap chalte to haiñ aTkheliyoñ se

    koī aafat na kahīñ lā.iyegā

    ai 'sabā' ishq-e-parī-rūyāñ meñ

    ādamiyyat se guzar jā.iyegā

    qabr par baad-e-fana aaiyega

    be-mahal panw na phailaiyega

    lakh ho wasl ka wada lekin

    waqt par saf nikal jaiyega

    jaen dam bhar ko to farmate hain

    chhawni to na kahin chhaiyega

    sar hue is ke mulamma se na aap

    zulf-e-mushkin se KHata paiyega

    na karen aap wafa hum ko kya

    bewafa aap hi kahlaiyega

    uTh gaya dil se dui ka parda

    chhup ke ab aap kahan jaiyega

    kahkashan saf banega rasta

    aap tausan ko jo chamkaiyega

    rang laegi nazakat baDh kar

    phul ke bar se pattaiyega

    kya karen wasf-e-dahan Darte hain

    munh mein jo aaega farmaiyega

    zulf ko hath lagaenge jo hum

    beDiyan paon mein pahnaiyega

    dekhen raghbat se to kahta hai wo shoKH

    koi halwa hai ki kha jaiyega

    kya kiya ishq ne kyun hazrat-e-dil

    hum na kahte the ki pachhtaiyega

    aap chalte to hain aTkheliyon se

    koi aafat na kahin laiyega

    ai 'saba' ishq-e-pari-ruyan mein

    aadamiyyat se guzar jaiyega

    RECITATIONS

    Nomaan Shauque

    Nomaan Shauque,

    Nomaan Shauque

    qabr par baad-e-fana aaiyega Nomaan Shauque

    Source:

    Ghuncha-e-Arzu (Pg. 32)

    • Author: Wazir Ali Saba Lakhnavi
      • Edition: 1856
      • Publisher: Matba Mohammadi, Lucnow
      • Year of Publication: 1856
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now