saz ye kina-saz kya jaanen

saaz ye kīna-sāz kyā jāneñ

naaz vaale niyāz kyā jāneñ

sham.a-rū aap go hue lekin

lutf-e-soz-o-gudāz kyā jāneñ

kab kisī dar kī jab.ha-sā.ī kī

shaiḳh sāhab namāz kyā jāneñ

jo rah-e-ishq meñ qadam rakkheñ

vo nasheb-o-farāz kyā jāneñ

pūchhiye mai-kashoñ se lutf-e-sharāb

ye mazā pāk-bāz kyā jāneñ

bale chitvan tirī ġhazab rī nigāh

kyā kareñge ye naaz kyā jāneñ

jin ko apnī ḳhabar nahīñ ab tak

vo mire dil kā raaz kyā jāneñ

hazrat-e-ḳhizr jab shahīd na hoñ

lutf-e-umr-e-darāz kyā jāneñ

jo guzarte haiñ 'dāġh' par sadme

aap banda-navāz kyā jāneñ

saz ye kina-saz kya jaanen

naz wale niyaz kya jaanen

shama-ru aap go hue lekin

lutf-e-soz-o-gudaz kya jaanen

kab kisi dar ki jabha-sai ki

shaiKH sahab namaz kya jaanen

jo rah-e-ishq mein qadam rakkhen

wo nasheb-o-faraaz kya jaanen

puchhiye mai-kashon se lutf-e-sharab

ye maza pak-baz kya jaanen

bale chitwan teri ghazab ri nigah

kya karenge ye naz kya jaanen

jin ko apni KHabar nahin ab tak

wo mere dil ka raaz kya jaanen

hazrat-e-KHizr jab shahid na hon

lutf-e-umr-e-daraaz kya jaanen

jo guzarte hain 'dagh' par sadme

aap banda-nawaz kya jaanen