شام سے پہلے گھر گئے ہوتے
شام سے پہلے گھر گئے ہوتے
یا سر شام مر گئے ہوتے
اس گدایانہ زندگی سے تو
وضع دارانہ مر گئے ہوتے
یوں بھی اک عمر رائیگاں گزری
یوں بھی کچھ دن گزر گئے ہوتے
تو جو دل سے اتر گیا ہوتا
زخم دل کے ابھر گئے ہوتے
ہم نہ ہوتے تو حادثات جہاں
جانے کس کس کے سر گئے ہوتے
کوئی دامن کش خیال نہ تھا
ورنہ ہم بھی ٹھہر گئے ہوتے
شمع محفل نہ تھے کہ محفل میں
لے کے ہم زخم سر گئے ہوتے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
