talash-e-qabr mein yun ghar se hum nikal ke chale

talāsh-e-qabr meñ yuuñ ghar se ham nikal ke chale

kafan baġhal meñ liyā muñh pe ḳhaak mal ke chale

havā khilānī thī duniyā kī merī mayyat ko

uThāne vaale jo kāñdhā badal badal ke chale

jagah na dī hameñ us sham.a-rū ne pahlū meñ

havas bujhāne ko aa.e the aur jal ke chale

uThā ke bazm se ham le chale jo ḳhalvat meñ

qadam qadam pe vo rūThe machal machal ke chale

yahāñ tak aa.e haiñ tai ham do-manzila kar ke

tumhārī bazm meñ pahuñche haiñ āj-kal ke chale

shahīd-e-nāz kī mayyat jo dekhī gul-dar-gul

kafan khasūT jo aa.e the haath mal ke chale

kamand-e-kākul-e-pechāñ se duur duur rahe

qazā Tale jo 'sharaf' us balā se Tal ke chal

talash-e-qabr mein yun ghar se hum nikal ke chale

kafan baghal mein liya munh pe KHak mal ke chale

hawa khilani thi duniya ki meri mayyat ko

uThane wale jo kandha badal badal ke chale

jagah na di hamein us shama-ru ne pahlu mein

hawas bujhane ko aae the aur jal ke chale

uTha ke bazm se hum le chale jo KHalwat mein

qadam qadam pe wo ruThe machal machal ke chale

yahan tak aae hain tai hum do-manzila kar ke

tumhaari bazm mein pahunche hain aaj-kal ke chale

shahid-e-naz ki mayyat jo dekhi gul-dar-gul

kafan khasuT jo aae the hath mal ke chale

kamand-e-kakul-e-pechan se dur dur rahe

qaza Tale jo 'sharaf' us bala se Tal ke chal