kaTta nahin hai din mera jhagDa kiye baghair

kaTtā nahīñ hai din mirā jhagḌā kiye baġhair

hotā hai ek kaam ye naagā kiye baġhair

aatā hai chain kab unheñ ḳharcha kiye baġhair

chhuTTī kiye baġhair na chillā kiye baġhair

computeroñ meñ feed karo apne ishq ko

rakkheñge yaad ishq ko bhūlā kiye baġhair

sunnat meñ kaam ban gayā ġhālib kā jis ghaḌī

vo chal diye the farz ko puurā kiye baġhair

majmūa apne sarfe se kaise chhapā.ūñ maiñ

chāra nahīñ hai chanda ikaTThā kiye baġhair

vaa.iz ke mashvara pe amal kis tarah kareñ

kahtā hai sirf paḌh ke vo samjhā kiye baġhair

tash.hīr honī chāhiye shā.ir kī har ghaḌī

kaise bhalā chalegā vo charchā kiye baġhair

apne fridge hī meñ rakho apne husn ko

taaza rakhegā husn ko būḌhā kiye baġhair

kaTta nahin hai din mera jhagDa kiye baghair

hota hai ek kaam ye naga kiye baghair

aata hai chain kab unhen KHarcha kiye baghair

chhuTTi kiye baghair na chilla kiye baghair

computeron mein feed karo apne ishq ko

rakkhenge yaad ishq ko bhula kiye baghair

sunnat mein kaam ban gaya ghaalib ka jis ghaDi

wo chal diye the farz ko pura kiye baghair

majmua apne sarfe se kaise chhapaun main

chaara nahin hai chanda ikaTTha kiye baghair

waiz ke mashwara pe amal kis tarah karen

kahta hai sirf paDh ke wo samjha kiye baghair

tashhir honi chahiye shair ki har ghaDi

kaise bhala chalega wo charcha kiye baghair

apne fridge hi mein rakho apne husn ko

taza rakhega husn ko buDha kiye baghair