sab dalalon mein tawaif ka dalal achchha hai

sab dalāloñ meñ tavā.if kā dalāl achchhā hai

jis tarah kā bhī kisī meñ ho kamāl achchhā hai

dekh kar shakl tabīboñ kī jab aatī hai hañsī

vo samajhte haiñ ki bīmār kā haal achchhā hai

jeb ḳhālī ho to phir shahd lage zahr hameñ

jī meñ kahte haiñ ki muft aa.e to maal achchhā hai

ḳhush ho ai dil ke milegī tujhe daulat ġham kī

ik barahman ne kahā hai ki ye saal achchhā hai

koī ahmaq hī na mānegā agar maiñ ye kahūñ

sāġhar-e-jam se mirā jām-e-sifāl achchhā hai

kah do afyūn ke har smuggler se 'vāhid'

kaam achchhā hai ki vo jis kā ma.aal achchhā hai

sohbat-e-hūr mile yā na mile ham ko magar

dil ko bahlāne ko 'ġhālib' ye ḳhayāl achchhā hai

sab dalalon mein tawaif ka dalal achchha hai

jis tarah ka bhi kisi mein ho kamal achchha hai

dekh kar shakl tabibon ki jab aati hai hansi

wo samajhte hain ki bimar ka haal achchha hai

jeb KHali ho to phir shahd lage zahr hamein

ji mein kahte hain ki muft aae to mal achchha hai

KHush ho ai dil ke milegi tujhe daulat gham ki

ek barahman ne kaha hai ki ye sal achchha hai

koi ahmaq hi na manega agar main ye kahun

saghar-e-jam se mera jam-e-sifal achchha hai

kah do afyun ke har smuggler se 'wahid'

kaam achchha hai ki wo jis ka maal achchha hai

sohbat-e-hur mile ya na mile hum ko magar

dil ko bahlane ko 'ghaalib' ye KHayal achchha hai