tere hathon se miTega naqsh-e-hasti ek din

tere hāthoñ se miTegā naqsh-e-hastī ek din

baaḌh rakh degī chhurī par tez-dastī ek din

terī āñkhoñ se dil-e-nāzuk giregā nashshe meñ

taaq se shīsha girā degī ye mastī ek din

zāhido puujā tumhārī ḳhuub hogī hashr meñ

but banā degī tumheñ ye haq-parastī ek din

āñkheñ dozaḳh meñ bhī señkegā tirā dil-soḳhta

aag ban jā.egī ye ātish-prastī ek din

ḳhūbī-e-shamshīr-e-abrū kā tamāshā dekhte

donoñ bāgoñ aap kī talvār kastī ek din

ḳhuun merā rā.egāñ nāhaq bahāte haiñ huzūr

karnī hai rañg-e-hinā kī pesh-dastī ek din

jild-e-pistāñ tak mirā kab tak na hogā dastaras

in turanjoñ kī bhī qīmat hogī sastī ek din

zulf-e-kāfir-kesh lipTegī qadam se ai sanam

hindu-e-shab bhī karegā but-parastī ek din

jaan baḳhsho sar mire lāshe kā Thukrāo kabhī

sāġhar-e-ḳhālī meñ bhar do shahd-e-hastī ek din

nīlgūñ kar deñge mal kar chhātiyāñ ai rashk-e-mehr

terī añgiyā kī kaTorī hogī jastī ek din

ḳhuub kar tārīf-e-navvāb-e-zafar-jañg ai 'munīr'

kaam aa jā.egī ye āqā-parastī ek din

tere hathon se miTega naqsh-e-hasti ek din

baDh rakh degi chhuri par tez-dasti ek din

teri aankhon se dil-e-nazuk girega nashshe mein

taq se shisha gira degi ye masti ek din

zahido puja tumhaari KHub hogi hashr mein

but bana degi tumhein ye haq-parasti ek din

aankhen dozaKH mein bhi senkega tera dil-soKHta

aag ban jaegi ye aatish-prasti ek din

KHubi-e-shamshir-e-abru ka tamasha dekhte

donon bagon aap ki talwar kasti ek din

KHun mera raegan nahaq bahate hain huzur

karni hai rang-e-hina ki pesh-dasti ek din

jild-e-pistan tak mera kab tak na hoga dastaras

in turanjon ki bhi qimat hogi sasti ek din

zulf-e-kafir-kesh lipTegi qadam se ai sanam

hindu-e-shab bhi karega but-parasti ek din

jaan baKHsho sar mere lashe ka Thukrao kabhi

saghar-e-KHali mein bhar do shahd-e-hasti ek din

nilgun kar denge mal kar chhatiyan ai rashk-e-mehr

teri angiya ki kaTori hogi jasti ek din

KHub kar tarif-e-nawwab-e-zafar-jang ai 'munir'

kaam aa jaegi ye aaqa-parasti ek din