tere sath chalti hun ek jahan jata hai
tere saath chaltī huuñ ik jahān jaatā hai
gar gurez kartī huuñ terā maan jaatā hai
dard ke havāle se kitnā bā-ḳhabar hai vo
mere dil kī bātoñ ko kaise jaan jaatā hai
dhuup hī to miltī hai zard zard mausam meñ
vahshatoñ ke sahrā meñ sā.ebān jaatā hai
ḳhāk-e-dil tujhe le kar ab kahāñ kahāñ jā.ūñ
gar zamīñ kī hotī huuñ āsmān jaatā hai
hijr ke samundar se maiñ guzar ke aa.ī huuñ
tere ab na milne se merā maan jaatā hai
jab ravish pe chaltī huuñ maiñ adā-e-vahshat kī
phuul ruuTh jaate haiñ gulsitān jaatā hai
bazm meñ use 'rūmī' jab bhī daf.atan dekhūñ
zabt hī nahīñ dil se har gumān jaatā hai
tere sath chalti hun ek jahan jata hai
gar gurez karti hun tera man jata hai
dard ke hawale se kitna ba-KHabar hai wo
mere dil ki baaton ko kaise jaan jata hai
dhup hi to milti hai zard zard mausam mein
wahshaton ke sahra mein saeban jata hai
KHak-e-dil tujhe le kar ab kahan kahan jaun
gar zamin ki hoti hun aasman jata hai
hijr ke samundar se main guzar ke aai hun
tere ab na milne se mera man jata hai
jab rawish pe chalti hun main ada-e-wahshat ki
phul ruTh jate hain gulsitan jata hai
bazm mein use 'rumi' jab bhi dafatan dekhun
zabt hi nahin dil se har guman jata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
