toD lenge har ek shai se rishta toD dene ki naubat to aae

toḌ leñge har ik shai se rishta toḌ dene kī naubat to aa.e

ham qayāmat ke ḳhud muntazir haiñ par kisī din qayāmat to aa.e

ham bhī suqrāt haiñ ahd-e-nau ke tishna-lab hī na mar jaa.eñ yaaro

zahr ho yā mai-e-ātishīñ ho koī jām-e-shahādat to aa.e

ek tahzīb hai dostī kī ek meyār hai dushmanī kā

dostoñ ne muravvat na sīkhī dushmanoñ ko adāvat to aa.e

rind raste meñ āñkheñ bichhā.eñ jo kahe bin sune maan jaa.eñ

nāseh-e-nek-tīnat kisī shab sū-e-kū-e-malāmat to aa.e

ilm o tahzīb tārīḳh o mantiq log socheñge in mas.aloñ par

zindagī ke mashaqqat-kade meñ koī ahd-e-farāġhat to aa.e

kaañp uTTheñ qasr-e-shāhī ke gumbad thartharā.e zamīñ mābadoñ kī

kūcha-gardoñ kī vahshat to jaage ġham-zadoñ ko baġhāvat to aa.e

toD lenge har ek shai se rishta toD dene ki naubat to aae

hum qayamat ke KHud muntazir hain par kisi din qayamat to aae

hum bhi suqraat hain ahd-e-nau ke tishna-lab hi na mar jaen yaro

zahr ho ya mai-e-atishin ho koi jam-e-shahadat to aae

ek tahzib hai dosti ki ek meyar hai dushmani ka

doston ne murawwat na sikhi dushmanon ko adawat to aae

rind raste mein aankhen bichhaen jo kahe bin sune man jaen

naseh-e-nek-tinat kisi shab su-e-ku-e-malamat to aae

ilm o tahzib tariKH o mantiq log sochenge in masalon par

zindagi ke mashaqqat-kade mein koi ahd-e-faraghat to aae

kanp uTThen qasr-e-shahi ke gumbad thartharae zamin mabadon ki

kucha-gardon ki wahshat to jage gham-zadon ko baghawat to aae