TuTne par koi aae to phir aisa TuTe

TūTne par koī aa.e to phir aisā TuuTe

ki jise dekh ke har dekhne vaalā TuuTe

tū use kis ke bharose pe nahīñ kaat rahī??

charḳh ko dekhne vālī!! tirā charḳha TuuTe

apne bikhre hue TukḌoñ ko sameTe kab tak??

ek insān kī ḳhātir koī kitnā TuuTe

koī TukḌā tirī āñkhoñ meñ na chubh jaa.e kahīñ

duur ho jā ki mire ḳhvāb kā shīsha TuuTe

maiñ kisī aur ko sochūñ to mujhe hosh aa.e

maiñ kisī aur ko dekhūñ to ye nashsha TuuTe

rañj hotā hai to aisā ki batā.e na bane

jab kisī apne ke baa.is koī apnā TuuTe

paas baiThe hue yāroñ ko ḳhabar tak na huī

ham kisī baat pe is darja anokhā TuuTe

itnī jaldī to sambhalne kī tavaqqo na karo!!

vaqt hī kitnā huā hai mirā sapnā TuuTe

daad kī bhiik na māñg!! ai mire achchhe shā.er!!

jā tujhe merī duā hai tirā kaasa TuuTe

varna kab tak liye phirtā rahūñ us ko 'javvād'

koī sūrat ho ki ummīd se rishta TuuTe

TuTne par koi aae to phir aisa TuTe

ki jise dekh ke har dekhne wala TuTe

tu use kis ke bharose pe nahin kat rahi??

charKH ko dekhne wali!! tera charKHa TuTe

apne bikhre hue TukDon ko sameTe kab tak??

ek insan ki KHatir koi kitna TuTe

koi TukDa teri aankhon mein na chubh jae kahin

dur ho ja ki mere KHwab ka shisha TuTe

main kisi aur ko sochun to mujhe hosh aae

main kisi aur ko dekhun to ye nashsha TuTe

ranj hota hai to aisa ki batae na bane

jab kisi apne ke bais koi apna TuTe

pas baiThe hue yaron ko KHabar tak na hui

hum kisi baat pe is darja anokha TuTe

itni jaldi to sambhalne ki tawaqqo na karo!!

waqt hi kitna hua hai mera sapna TuTe

dad ki bhik na mang!! ai mere achchhe shaer!!

ja tujhe meri dua hai tera kasa TuTe

warna kab tak liye phirta rahun us ko 'jawwad'

koi surat ho ki ummid se rishta TuTe