us ka har baat mein inkar dukhi karta hai

us kā har baat meñ inkār dukhī kartā hai

mujh ko ik shaḳhs lagātār dukhī kartā hai

haiñ tire shahr meñ dukh aur bahut se lekin

muflisoñ ko yahāñ tehvār dukhī kartā hai

sochtā roz huuñ ye aaj kā din achchhā ho

par mujhe sub.h kā aḳhbār dukhī kartā hai

haafī ke sher se miltī hai tasallī dil ko

sher zaryūn kā har baar dukhī kartā hai

duur kis kis ko karūñ tum ko bhulāne ke liye

chheḌ kar baat tirī yaar dukhī kartā hai

tū kisī aur kī ḳhātir hī sañvartī hogī

bas yahī soch ke dīdār dukhī kartā hai

mas.ale kuchh huā karte haiñ hamesha dukh ke

ishq bhī aisā hai har baar dukhī kartā hai

ham ko ik shaḳhs dukhī kartā hai aise jaise

bistar-e-marg pe bīmār dukhī kartā hai

rah ke ḳhāmosh mujhe ishq kare vo 'rāhil'

us se kahnā mujhe iz.hār dukhī kartā hai

us ka har baat mein inkar dukhi karta hai

mujh ko ek shaKHs lagatar dukhi karta hai

hain tere shahr mein dukh aur bahut se lekin

muflison ko yahan tehwar dukhi karta hai

sochta roz hun ye aaj ka din achchha ho

par mujhe subh ka aKHbar dukhi karta hai

hafi ke sher se milti hai tasalli dil ko

sher zaryun ka har bar dukhi karta hai

dur kis kis ko karun tum ko bhulane ke liye

chheD kar baat teri yar dukhi karta hai

tu kisi aur ki KHatir hi sanwarti hogi

bas yahi soch ke didar dukhi karta hai

masale kuchh hua karte hain hamesha dukh ke

ishq bhi aisa hai har bar dukhi karta hai

hum ko ek shaKHs dukhi karta hai aise jaise

bistar-e-marg pe bimar dukhi karta hai

rah ke KHamosh mujhe ishq kare wo 'rahil'

us se kahna mujhe izhaar dukhi karta hai