use tum se mohabbat hai ghalat-fahmi mein mat rahna

use tum se mohabbat hai ġhalat-fahmī meñ mat rahnā

ye bas dil kī sharārat hai ġhalat-fahmī meñ mat rahnā

tumhī ko dekh kar vo muskurātā hai to hairat kyā

use hañsne kī aadat hai ġhalat-fahmī meñ mat rahnā

hue barbād to ab āh-o-zārī kar rahe ho tum

kahā bhī thā siyāsat hai ġhalat-fahmī meñ mat rahnā

maiñ tujh ko chāhtā huuñ baat ye sach hai magar phir bhī

mujhe terī zarūrat hai ġhalat-fahmī meñ mat rahnā hī

jhukī nazroñ se taknā aur ḳhamoshī se guzar jaanā

mohabbat kī rivāyat hai ġhalat-fahmī meñ mat rahnā

kiyā kartā huuñ 'rāhī' us kī tārīfeñ sabab ye hai

vo mujh se ḳhūbsūrat hai ġhalat-fahmī meñ mat rahnā

use tum se mohabbat hai ghalat-fahmi mein mat rahna

ye bas dil ki shararat hai ghalat-fahmi mein mat rahna

tumhi ko dekh kar wo muskuraata hai to hairat kya

use hansne ki aadat hai ghalat-fahmi mein mat rahna

hue barbaad to ab aah-o-zari kar rahe ho tum

kaha bhi tha siyasat hai ghalat-fahmi mein mat rahna

main tujh ko chahta hun baat ye sach hai magar phir bhi

mujhe teri zarurat hai ghalat-fahmi mein mat rahna hi

jhuki nazron se takna aur KHamoshi se guzar jaana

mohabbat ki riwayat hai ghalat-fahmi mein mat rahna

kiya karta hun 'rahi' us ki tarifen sabab ye hai

wo mujh se KHubsurat hai ghalat-fahmi mein mat rahna