waqt to waqt hai rukta nahin ek pal ke liye
vaqt to vaqt hai ruktā nahīñ ik pal ke liye
ho vahī baat jo qaa.em bhī rahe kal ke liye
munsif-e-vaqt haqīqat hai haqīqat hai ḳhudā
ḳhauf lāzim hai bahar-taur har ik hal ke liye
ai mirī ḳhvāhish-e-tahsīl sujhā de mujh ko
koī rasta dar-e-imkān-e-muqaffal ke liye
maiñ samundar huuñ ḳhamoshī pe na jaanā merī
mujtam.a kartā huuñ tāqat ko baḌī chhal ke liye
tarbiyat ḳhuun meñ rach jaa.e to tab hotā hai
varna āsāñ nahīñ jaanā kisī karbal ke liye
'sād' Dartā huuñ agar maiñ to bas ik ḳhvāhish se
vo jo kar de na barahna tujhe maḳhmal ke liye
waqt to waqt hai rukta nahin ek pal ke liye
ho wahi baat jo qaem bhi rahe kal ke liye
munsif-e-waqt haqiqat hai haqiqat hai KHuda
KHauf lazim hai bahar-taur har ek hal ke liye
ai meri KHwahish-e-tahsil sujha de mujh ko
koi rasta dar-e-imkan-e-muqaffal ke liye
main samundar hun KHamoshi pe na jaana meri
mujtama karta hun taqat ko baDi chhal ke liye
tarbiyat KHun mein rach jae to tab hota hai
warna aasan nahin jaana kisi karbal ke liye
'sad' Darta hun agar main to bas ek KHwahish se
wo jo kar de na barahna tujhe maKHmal ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
