wo para hun main jo aag mein hun wo barq hun jo sahab mein hun

vo paara huuñ maiñ jo aag meñ huuñ vo barq huuñ jo sahāb meñ huuñ

zamīñ pe bhī iztirāb meñ huuñ falak pe bhī iztirāb meñ huuñ

na maiñ havā meñ na ḳhaak meñ huuñ na aag meñ huuñ na aab meñ huuñ

shumār merā nahīñ kisī meñ agarche maiñ bhī hisāb meñ huuñ

agarche paanī kī mauj ban kar hamesha maiñ pech-o-tāb meñ huuñ

vahī huuñ qatra vahī huuñ dariyā jo ain chashm-e-habāb meñ huuñ

sulāyā kis ne gale lagā kar ki suur bhī thak gayā jagā kar

bapā hai aalam meñ shor-e-mahshar mujhe jo dekho to ḳhvāb meñ huuñ

mazā hai saaqī tire karam se zuhūr merā hai tere dam se

vo baada huuñ jo huuñ mai-kade meñ vo nashsha huuñ jo sharāb meñ huuñ

ilāhī vo gore gore talve kahīñ na ho jaa.eñ mujh se maile

ki ḳhaak ban kar ba-rañg-e-surma hamesha chashm-e-rikāb meñ huuñ

jo bhes apnā badal ke aayā to rañg-e-itlāq muñh se dhoyā

kiyā hai paanī meñ qaid mujh ko havā kī sūrat habāb meñ huuñ

ġhazab hai josh-e-zuhūr terā pukārtā hai ye nuur terā

ḳhudā ne andhā kiyā hai jis ko usī ke aage hijāb meñ huuñ

huī hai donoñ kī ek hālat na chain us ko na chain mujh ko

udhar vo hai mahv shoḳhiyoñ meñ idhar jo maiñ iztirāb meñ huuñ

ilāhī mujh par karam ho terā na khol a.amāl-nāma merā

pukārtā hai ye ḳhatt-e-qismat ki maiñ bhī fard-e-hisāb meñ huuñ

dimāġh meñ huuñ qadah-kashoñ ke dahan meñ aayā huuñ mah-vashoñ ke

nasha vo huuñ jo sharāb meñ huuñ mazā vo huuñ jo kabāb meñ huuñ

vo apnā chehrā agar dikhā.e yaqīn andhoñ ko ḳhaak aa.e

pukārtī hai ye be-hijābī ki maiñ azal se hijāb meñ huuñ

alāhada kar ke ḳhud se mujh ko jo tū ne baḳhshā to ḳhaak baḳhshā

agarche jannat mujhe milī hai ilāhī phir bhī azaab meñ huuñ

hujūm nazroñ kā hai vo muñh par diyā hai dono ko jis ne dhokā

yaqīñ ye mujh ko paḌā hai pardā gumāñ ye un ko naqāb meñ huuñ

jo mujh ko us se judā karoge to merā nuqsān kyā karoge

nahīñ huuñ mānind-e-sifr kuchh bhī agarche maiñ bhī hisāb meñ huuñ

na aayā mar kar bhī chain mujh ko uThā mirī ḳhaak se bagūlā

butoñ kā gesū to maiñ nahīñ huuñ ilāhī kyuuñ pech-o-tāb meñ huuñ

jo haal pūchho to ik kahānī nishān pūchho to be-nishānī

vo zarra huuñ jo miTā huā huuñ agarche maiñ āftāb meñ huuñ

miTā agarche mazār merā chhuTā na vo shahsavār merā

pukārtā hai ġhubār merā ki maiñ bhī hāzir rikāb meñ huuñ

karam kī 'mā.il' pe bhī nazar ho nazar meñ phir chulbulā asar ho

azal se ummīd-vār maiñ bhī ilāhī terī janāb meñ huuñ

wo para hun main jo aag mein hun wo barq hun jo sahab mein hun

zamin pe bhi iztirab mein hun falak pe bhi iztirab mein hun

na main hawa mein na KHak mein hun na aag mein hun na aab mein hun

shumar mera nahin kisi mein agarche main bhi hisab mein hun

agarche pani ki mauj ban kar hamesha main pech-o-tab mein hun

wahi hun qatra wahi hun dariya jo ain chashm-e-habab mein hun

sulaya kis ne gale laga kar ki sur bhi thak gaya jaga kar

bapa hai aalam mein shor-e-mahshar mujhe jo dekho to KHwab mein hun

maza hai saqi tere karam se zuhur mera hai tere dam se

wo baada hun jo hun mai-kade mein wo nashsha hun jo sharab mein hun

ilahi wo gore gore talwe kahin na ho jaen mujh se maile

ki KHak ban kar ba-rang-e-surma hamesha chashm-e-rikab mein hun

jo bhes apna badal ke aaya to rang-e-itlaq munh se dhoya

kiya hai pani mein qaid mujh ko hawa ki surat habab mein hun

ghazab hai josh-e-zuhur tera pukarta hai ye nur tera

KHuda ne andha kiya hai jis ko usi ke aage hijab mein hun

hui hai donon ki ek haalat na chain us ko na chain mujh ko

udhar wo hai mahw shoKHiyon mein idhar jo main iztirab mein hun

ilahi mujh par karam ho tera na khol aamal-nama mera

pukarta hai ye KHatt-e-qismat ki main bhi fard-e-hisab mein hun

dimagh mein hun qadah-kashon ke dahan mein aaya hun mah-washon ke

nasha wo hun jo sharab mein hun maza wo hun jo kabab mein hun

wo apna chehra agar dikhae yaqin andhon ko KHak aae

pukarti hai ye be-hijabi ki main azal se hijab mein hun

alahada kar ke KHud se mujh ko jo tu ne baKHsha to KHak baKHsha

agarche jannat mujhe mili hai ilahi phir bhi azab mein hun

hujum nazron ka hai wo munh par diya hai dono ko jis ne dhoka

yaqin ye mujh ko paDa hai parda guman ye un ko naqab mein hun

jo mujh ko us se juda karoge to mera nuqsan kya karoge

nahin hun manind-e-sifr kuchh bhi agarche main bhi hisab mein hun

na aaya mar kar bhi chain mujh ko uTha meri KHak se bagula

buton ka gesu to main nahin hun ilahi kyun pech-o-tab mein hun

jo haal puchho to ek kahani nishan puchho to be-nishani

wo zarra hun jo miTa hua hun agarche main aaftab mein hun

miTa agarche mazar mera chhuTa na wo shahsawar mera

pukarta hai ghubar mera ki main bhi hazir rikab mein hun

karam ki 'mail' pe bhi nazar ho nazar mein phir chulbula asar ho

azal se ummid-war main bhi ilahi teri janab mein hun