ye baat sach hai ki tera makan uncha hai
ye baat sach hai ki terā makān ūñchā hai
tū ye na soch tirā ḳhāndān ūñchā hai
kamāl kuchh bhī nahīñ aur shohratoñ kī talab
sambhal ke tiir chalānā nishān ūñchā hai
kahīñ azaab na ban jaa.e us kā saaya bhī
sutūn TuuTe hue sā.ebān ūñchā hai
mujhe yaqīn hai tū shart haar jā.egā
ki dastaras se tirī āsmān ūñchā hai
vo qātiloñ ko chhuḌā lā.egā adālat se
hai us kī baat mudallal bayān ūñchā hai
qubūl kartā nahīñ ye diloñ ke rishtoñ ko
samāj tere mire darmiyān ūñchā hai
isī ġhurūr meñ 'dānā' saroñ se chhat bhī ga.ī
tire makān se merā makān ūñchā hai
ye baat sach hai ki tera makan uncha hai
tu ye na soch tera KHandan uncha hai
kamal kuchh bhi nahin aur shohraton ki talab
sambhal ke tir chalana nishan uncha hai
kahin azab na ban jae us ka saya bhi
sutun TuTe hue saeban uncha hai
mujhe yaqin hai tu shart haar jaega
ki dastaras se teri aasman uncha hai
wo qatilon ko chhuDa laega adalat se
hai us ki baat mudallal bayan uncha hai
qubul karta nahin ye dilon ke rishton ko
samaj tere mere darmiyan uncha hai
isi ghurur mein 'dana' saron se chhat bhi gai
tere makan se mera makan uncha hai
- Book : Fanoos (Pg. 26)
- Author : Abbas Dana
- Publication : Shahid Book Depot Stedum Road Noor Nagar Rakhyal Ahmdabad (1993)
- Edition : 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
