ye hausla tujhe mahtab-e-jaan hua kaise

ye hausla tujhe mahtāb-e-jāñ huā kaise

ki ḳhud ko saa.e se minhā kiyā batā kaise

nazar to kyā ki ye mīnā-e-dil bhī ḳhālī hai

lagegā shahr meñ bāzār-e-ḳhūñ-bahā kaise

mujhe ḳhabar hai ki mausam nahīñ ye ḳhvāhish kā

mire laboñ pe ye Thahrā hai zā.iqa kaise

ḳhudā.ī nauha-kunāñ thī ki aaj mimbar pe

ye tujh ko aayā nazar kyā mire sivā kaise

ta.alluqāt ke tāvīz bhī gale meñ nahīñ

malāl dekhne aayā hai rāsta kaise

qafas meñ merī panāhoñ ko dekh hairāñ thā

ki mere dil meñ thā maqtal kā zā.icha kaise

havā se jaise charāġhoñ kī lau bhaḌaktī hai

bahut dinoñ meñ tujhe dekh ke hañsā kaise

ye hausla tujhe mahtab-e-jaan hua kaise

ki KHud ko sae se minha kiya bata kaise

nazar to kya ki ye mina-e-dil bhi KHali hai

lagega shahr mein bazar-e-KHun-baha kaise

mujhe KHabar hai ki mausam nahin ye KHwahish ka

mere labon pe ye Thahra hai zaiqa kaise

KHudai nauha-kunan thi ki aaj mimbar pe

ye tujh ko aaya nazar kya mere siwa kaise

talluqat ke tawiz bhi gale mein nahin

malal dekhne aaya hai rasta kaise

qafas mein meri panahon ko dekh hairan tha

ki mere dil mein tha maqtal ka zaicha kaise

hawa se jaise charaghon ki lau bhaDakti hai

bahut dinon mein tujhe dekh ke hansa kaise