ye nahin barq ek farangi hai

ye nahīñ barq ik farañgī hai

ra.ad-o-bārāñ fusūn-e-jañgī hai

koī duniyā se kyā bhalā māñge

vo to bechārī aap nañgī hai

vaah dillī kī masjid-e-jāme

jis meñ burrāq farsh-e-sañgī hai

hausla hai farāḳh rindoñ kā

ḳharch kī par bahut sī tañgī hai

lag ga.e aib saare us ke saath

yuuñ kahā jis ko mard bangī hai

Daro vahshat ke dhūm-dhām se tum

vo to ik devnī dabangī hai

jogī-jī sāhib aap kī bhī vaah

dharm mūrat ajab ko Dhañgī hai

aap hī aap hai pukār uThtā

dil bhī jaise ghaḌī farañgī hai

chashm-e-bad-dūr shaiḳh-jī sāhib

kyā izaar aap ke uTañgī hai

shaiḳh-sādī-e-vaqt hai 'inshā'

tū 'abū-bakr-sād' zañgī hai

ye nahin barq ek farangi hai

rad-o-baran fusun-e-jangi hai

koi duniya se kya bhala mange

wo to bechaari aap nangi hai

wah dilli ki masjid-e-jame

jis mein burraq farsh-e-sangi hai

hausla hai faraKH rindon ka

KHarch ki par bahut si tangi hai

lag gae aib sare us ke sath

yun kaha jis ko mard bangi hai

Daro wahshat ke dhum-dham se tum

wo to ek dewni dabangi hai

jogi-ji sahib aap ki bhi wah

dharm murat ajab ko Dhangi hai

aap hi aap hai pukar uThta

dil bhi jaise ghaDi farangi hai

chashm-e-bad-dur shaiKH-ji sahib

kya izar aap ke uTangi hai

shaiKH-sadi-e-waqt hai 'insha'

tu 'abu-bakr-sad' zangi hai