zalim pe azab ho gaya hun
zālim pe azaab ho gayā huuñ
maiñ roz-e-hisāb ho gayā huuñ
har lafz mirā hai ek ghaav
zaḳhmoñ kī kitāb ho gayā huuñ
maiñ ḳhud meñ simaT ke thā samundar
phailā to habāb ho gayā huuñ
ḳhud apnī talāsh kar rahā thā
dekhā to sarāb ho gayā huuñ
yuuñ uTh gayā etibār-e-hastī
maiñ ḳhud koī ḳhvāb ho gayā huuñ
miTTī huī yuuñ ḳharāb merī
sahrā kā javāb ho gayā huuñ
zalim pe azab ho gaya hun
main roz-e-hisab ho gaya hun
har lafz mera hai ek ghaw
zaKHmon ki kitab ho gaya hun
main KHud mein simaT ke tha samundar
phaila to habab ho gaya hun
KHud apni talash kar raha tha
dekha to sarab ho gaya hun
yun uTh gaya etibar-e-hasti
main KHud koi KHwab ho gaya hun
miTTi hui yun KHarab meri
sahra ka jawab ho gaya hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
