zarra bhi agar rang-e-KHudai nahin deta
zarra bhī agar rañg-e-ḳhudā.ī nahīñ detā
andhā hai tujhe kuchh bhī dikhā.ī nahīñ detā
dil kī burī aadat hai jo miTtā hai butoñ par
vallāh maiñ un ko to burā.ī nahīñ detā
kis tarah javānī meñ chalūñ raah pe nāseh
ye umr hī aisī hai sujhā.ī nahīñ detā
girtā hai usī vaqt bashar muñh ke bal aa kar
jab tere sivā koī dikhā.ī nahīñ detā
sun kar mirī fariyād vo ye kahte haiñ 'shā.ir'
is tarah to koī bhī duhā.ī nahīñ detā
zarra bhi agar rang-e-KHudai nahin deta
andha hai tujhe kuchh bhi dikhai nahin deta
dil ki buri aadat hai jo miTta hai buton par
wallah main un ko to burai nahin deta
kis tarah jawani mein chalun rah pe naseh
ye umr hi aisi hai sujhai nahin deta
girta hai usi waqt bashar munh ke bal aa kar
jab tere siwa koi dikhai nahin deta
sun kar meri fariyaad wo ye kahte hain 'shair'
is tarah to koi bhi duhai nahin deta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
