aazadi ka haq

ye sach hai ab āzād haiñ ham

miTTī se sugandh ye aatī hai

ai jaan se pyāre ham-vatano

abhī kaam bahut kuchh baaqī hai

āzādī pahlī manzil thī

thā hausla sab ne saath diyā

kāñToñ se bhare in rastoñ ko

zaḳhmī pairoñ se paar kiyā

aage dekhā mahbūb-e-nazar

baiThā vo hamārā saaqī hai

ai jaan se pyāre ham-vatano

abhī kaam bahut kuchh baaqī hai

ye desh banā qurbānī se

jāneñ qurbān huiiñ kitnī

āñkhoñ meñ mulk kā naqsha thā

parvāh unheñ kab thī apnī

taḳhtoñ pe khaḌe ho kar jab bhī

phūlī dekhā har chhātī hai

ai jaan se pyāre ham-vatano

abhī kaam bahut kuchh baaqī hai

jab Dhol nagāḌe bajte the

ham jūjhte the band kamroñ meñ

mansūboñ par mansūbe the

gaañv ke vo hoñ yā shahroñ ke

ham thake nahīñ baḌhte hī chale

ki aage hamārā sāthī hai

ai jaan se pyāre ham-vatano

abhī kaam bahut kuchh baaqī hai

ye desh banā ik gul-dasta

badnām na hone deñge ise

maz.hab ke naam pe bāñTne kā

jo kaam kare bas roko use

gar shurūa huī ḳhāna-jañgī

phir kaahe kī āzādī hai

ai jaan se pyāre ham-vatano

abhī kaam bahut kuchh baaqī hai

hai mulk baḌā to masle haiñ

hal hone haiñ hal hoñge bhī

dil hārnā shobhā detā nahīñ

aa.e chāhe sau mushkil bhī

bas khoT nahīñ ho niyyat meñ

ye huā to phir barbādī hai

ai jaan se pyāre ham-vatanoñ

abhī kaam bahut kuchh baaqī hai

bas ek guzārish hai tum se

jab qadam uTheñ har qaum ho saath

bhūleñ maz.hab aur jaatī ko

ho dil meñ desh hāthoñ meñ haath

tab pata chale is duniyā ko

yahāñ ab bhī nehru gāñdhī hai

ai jaan se pyāre ham-vatanoñ

abhī kaam bahut kuchh baaqī hai

ye sach hai ab aazad hain hum

miTTi se sugandh ye aati hai

ai jaan se pyare ham-watano

abhi kaam bahut kuchh baqi hai

aazadi pahli manzil thi

tha hausla sab ne sath diya

kanTon se bhare in raston ko

zaKHmi pairon se par kiya

aage dekha mahbub-e-nazar

baiTha wo hamara saqi hai

ai jaan se pyare ham-watano

abhi kaam bahut kuchh baqi hai

ye desh bana qurbani se

jaanen qurban huin kitni

aankhon mein mulk ka naqsha tha

parwah unhen kab thi apni

taKHton pe khaDe ho kar jab bhi

phuli dekha har chhati hai

ai jaan se pyare ham-watano

abhi kaam bahut kuchh baqi hai

jab Dhol nagaDe bajte the

hum jujhte the band kamron mein

mansubon par mansube the

ganw ke wo hon ya shahron ke

hum thake nahin baDhte hi chale

ki aage hamara sathi hai

ai jaan se pyare ham-watano

abhi kaam bahut kuchh baqi hai

ye desh bana ek gul-dasta

badnam na hone denge ise

mazhab ke nam pe banTne ka

jo kaam kare bas roko use

gar shurua hui KHana-jangi

phir kahe ki aazadi hai

ai jaan se pyare ham-watano

abhi kaam bahut kuchh baqi hai

hai mulk baDa to masle hain

hal hone hain hal honge bhi

dil haarna shobha deta nahin

aae chahe sau mushkil bhi

bas khoT nahin ho niyyat mein

ye hua to phir barbaadi hai

ai jaan se pyare ham-watanon

abhi kaam bahut kuchh baqi hai

bas ek guzarish hai tum se

jab qadam uThen har qaum ho sath

bhulen mazhab aur jati ko

ho dil mein desh hathon mein hath

tab pata chale is duniya ko

yahan ab bhi nehru gandhi hai

ai jaan se pyare ham-watanon

abhi kaam bahut kuchh baqi hai