Click on any word for its meaning

previous

havā bhī ḳhush-gavār hai


guloñ pe bhī nikhār hai


tarannum-e-hazār hai


bahār pur-bahār hai


kahāñ chalā hai sāqiyā


idhar to lauT idhar to aa


are ye dekhtā hai kyā


uThā subū subū uThā


subū uThā pyāla bhar


pyāla bhar ke de idhar


chaman samt kar nazar


samāñ to dekh be-ḳhabar


vo kaalī kaalī badliyāñ


ufuq pe ho ga.iiñ ayaañ


vo ik hujūm-e-mai-kashāñ


hai sū-e-mai-kada ravāñ


ye kyā gumāñ hai bad-gumāñ


samajh na mujh ko nā-tavāñ


ḳhayāl-e-zohd abhī kahāñ


abhī to maiñ javān huuñ


ibādatoñ zikr hai


najāt bhī fikr hai


junūn hai savāb


ḳhayāl hai azaab


magar suno to shaiḳh


ajiib shai haiñ aap bhī


bhalā shabāb o āshiqī


alag hue bhī haiñ kabhī


hasīn jalva-rez hoñ


adā.eñ fitna-ḳhez hoñ


havā.eñ itr-bez hoñ


to shauq kyuuñ na tez hoñ


nigār-hā-e-fitnagar


koī idhar koī udhar


ubhārte hoñ aish par


to kyā kare koī bashar


chalo qissa-muḳhtasar


tumhārā nuqta-e-nazar


durust hai to ho magar


abhī to maiñ javān huuñ


ye gasht kohsār


ye sair jū-e-bār


ye bulbuloñ ke chahchahe


ye gul-ruḳhoñ ke qahqahe


kisī se mel ho gayā


to rañj o fikr kho gayā


kabhī jo baḳht so gayā


ye hañs gayā vo ro gayā


ye ishq kahāniyāñ


ye ras bharī javāniyāñ


udhar se mehrbāniyāñ


idhar se lan-tarāniyāñ


ye āsmān ye zamīñ


nazāra-hā-e-dil-nashīñ


inheñ hayāt-āfrīñ


bhalā maiñ chhoḌ duuñ yahīñ


hai maut is qadar qarīñ


mujhe na aa.egā yaqīñ


nahīñ nahīñ abhī nahīñ


abhī to maiñ javān huuñ


na ġham kushūd o bast


buland na past


na buud na hast


na vāda-e-alast


ummīd aur yaas gum


havās gum qayās gum


nazar se aas paas gum


hama-bajuz gilās gum


na mai meñ kuchh kamī rahe


qadah se hamdamī rahe


nashist ye jamī rahe


yahī hamā-hamī rahe


vo raag chheḌ mutribā


tarab-fazā, alam-rubā


asar sadā-e-sāz


jigar meñ aag de lagā


har ek lab pe ho sadā


na haath rok sāqiyā


pilā.e pilā.e


abhī to maiñ javān huuñ

hawa bhi KHush-gawar hai


gulon pe bhi nikhaar hai


tarannum-e-hazar hai


bahaar pur-bahaar hai


kahan chala hai saqiya


idhar to lauT idhar to aa


are ye dekhta hai kya


uTha subu subu uTha


subu uTha pyala bhar


pyala bhar ke de idhar


chaman ki samt kar nazar


saman to dekh be-KHabar


wo kali kali badliyan


ufuq pe ho gain ayan


wo ek hujum-e-mai-kashan


hai su-e-mai-kada rawan


ye kya guman hai bad-guman


samajh na mujh ko na-tawan


KHayal-e-zohd abhi kahan


abhi to main jawan hun


ibaadaton ka zikr hai


najat ki bhi fikr hai


junun hai sawab ka


KHayal hai azab ka


magar suno to shaiKH ji


ajib shai hain aap bhi


bhala shabab o aashiqi


alag hue bhi hain kabhi


hasin jalwa-rez hon


adaen fitna-KHez hon


hawaen itr-bez hon


to shauq kyun na tez hon


nigar-ha-e-fitnagar


koi idhar koi udhar


ubhaarte hon aish par


to kya kare koi bashar


chalo ji qissa-muKHtasar


tumhaara nuqta-e-nazar


durust hai to ho magar


abhi to main jawan hun


ye gasht kohsar ki


ye sair ju-e-bar ki


ye bulbulon ke chahchahe


ye gul-ruKHon ke qahqahe


kisi se mel ho gaya


to ranj o fikr kho gaya


kabhi jo baKHt so gaya


ye hans gaya wo ro gaya


ye ishq ki kahaniyan


ye ras bhari jawaniyan


udhar se mehrbaniyan


idhar se lan-taraniyan


ye aasman ye zamin


nazara-ha-e-dil-nashin


inhen hayat-afrin


bhala main chhoD dun yahin


hai maut is qadar qarin


mujhe na aaega yaqin


nahin nahin abhi nahin


abhi to main jawan hun


na gham kushud o bast ka


buland ka na past ka


na bud ka na hast ka


na wada-e-alast ka


ummid aur yas gum


hawas gum qayas gum


nazar se aas pas gum


hama-bajuz gilas gum


na mai mein kuchh kami rahe


qadah se hamdami rahe


nashist ye jami rahe


yahi hama-hami rahe


wo rag chheD mutriba


tarab-faza, alam-ruba


asar sada-e-saz ka


jigar mein aag de laga


har ek lab pe ho sada


na hath rok saqiya


pilae ja pilae ja


abhi to main jawan hun

Commentary by Frances Pritchett

Close Source content commmentary source
next

SAY SOMETHING ABOUT THIS GHAZAL

comments powered by Disqus
x