faKHr-e-jahilan

ik roz maiñ ne apnī muannas se ye kahā

begam mushā.ere ko maiñ aayā huuñ luuT kar

bolī ki maal luuT kā jaldī se dījiye

taaki use pakā.ūñ abhī piis kuuT kar

biivī kī kor-magzī pe bolā bigaḌ ke maiñ

ai ahmaqullazī tū na shā.er ko huuT kar

to faḳhr-e-jāhilāñ hai tujhe kyā batā.ūñ maiñ

dād-e-suḳhan sabhī ne mujhe dī hai chhūT kar

bolī vo sar ko piiT ke ā.ankhoñ ko kar ke laal

bijlī gire ġhazab kī tire sar pe TuuT kar

faaqe paḌe haiñ ghar meñ tujhe faḳhr-e-dād hai

aur itnā kah ke rone lagī phuuT phuuT kar

ek roz main ne apni muannas se ye kaha

begam mushaere ko main aaya hun luT kar

boli ki mal luT ka jaldi se dijiye

taki use pakaun abhi pis kuT kar

biwi ki kor-magzi pe bola bigaD ke main

ai ahmaqullazi tu na shaer ko huT kar

to faKHr-e-jahilan hai tujhe kya bataun main

dad-e-suKHan sabhi ne mujhe di hai chhuT kar

boli wo sar ko piT ke aaankhon ko kar ke lal

bijli gire ghazab ki tere sar pe TuT kar

faqe paDe hain ghar mein tujhe faKHr-e-dad hai

aur itna kah ke rone lagi phuT phuT kar