main pal do pal ka shair hun

Sahir Ludhianvi

main pal do pal ka shair hun

Sahir Ludhianvi

MORE BYSahir Ludhianvi

    maiñ pal do pal shā.ir huuñ pal do pal mirī kahānī hai

    pal do pal merī hastī hai pal do pal mirī javānī hai

    mujh se pahle kitne shā.ir aa.e aur aa kar chale ga.e

    kuchh aaheñ bhar kar lauT ga.e kuchh naġhme kar chale ga.e

    vo bhī ik pal qissa the maiñ bhī ik pal qissa huuñ

    kal tum se judā ho jā.ūñgā go aaj tumhārā hissa huuñ

    pal do pal meñ kuchh kah paayā itnī sa.ādat kaafī hai

    pal do pal tum ne mujh ko sunā itnī ināyat kaafī hai

    kal aur ā.eñge naġhmoñ khiltī kaliyāñ chunñe vaale

    mujh se behtar kahne vaale tum se behtar sunñe vaale

    har nasl ik fasl hai dhartī aaj ugtī hai kal kaTtī hai

    jīvan vo mahñgī mudrā hai jo qatra qatra baTtī hai

    sāgar se ubhrī lahar huuñ maiñ sāgar meñ phir kho jā.ūñgā

    miTTī ruuh sapnā huuñ miTTī meñ phir so jā.ūñgā

    kal koī mujh ko yaad kare kyuuñ koī mujh ko yaad kare

    masrūf zamāna mere liye kyuuñ vaqt apnā barbād kare

    main pal do pal ka shair hun pal do pal meri kahani hai

    pal do pal meri hasti hai pal do pal meri jawani hai

    mujh se pahle kitne shair aae aur aa kar chale gae

    kuchh aahen bhar kar lauT gae kuchh naghme ga kar chale gae

    wo bhi ek pal ka qissa the main bhi ek pal ka qissa hun

    kal tum se juda ho jaunga go aaj tumhaara hissa hun

    pal do pal mein kuchh kah paya itni hi saadat kafi hai

    pal do pal tum ne mujh ko suna itni hi inayat kafi hai

    kal aur aaenge naghmon ki khilti kaliyan chunne wale

    mujh se behtar kahne wale tum se behtar sunne wale

    har nasl ek fasl hai dharti ki aaj ugti hai kal kaTti hai

    jiwan wo mahngi mudra hai jo qatra qatra baTti hai

    sagar se ubhri lahar hun main sagar mein phir kho jaunga

    miTTi ki ruh ka sapna hun miTTi mein phir so jaunga

    kal koi mujh ko yaad kare kyun koi mujh ko yaad kare

    masruf zamana mere liye kyun waqt apna barbaad kare

    Source:

    • Book : Kulliyat-e-Sahir (Pg. 246)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY