aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

filmi ishq

Zareef Jabalpuri

filmi ishq

Zareef Jabalpuri

MORE BYZareef Jabalpuri

    mohabbat jis ko kahte haiñ baḌī mushkil se hotī hai

    faqat ik baar hotī hai ḳhulūs-e-dil se hotī hai

    jahān-e-film meñ, ulfat har naḳhrā nirālā hai

    ye aisī daal hai jis daal meñ kaalā kaalā hai

    agar bāzār meñ laḌkī phisal jaa.e mohabbat hai

    sahārā ke laḌke sambhal jaa.e mohabbat hai

    kisī laḌkī ko Daaku se chhuḌā kar laao ulfat ho

    kisī cycle se cycle Takrāv ulfat ho

    ye filmī ishq ne kaisā nayā pahlū nikālā hai

    police-kaptān laḌkī āshiq rikshe vaalā hai

    muqaddar ko kahīñ se sāz-gārī nahīñ miltī

    vahī miltī hai aur koī savārī nahīñ miltī

    amīrī par ġharībī vo yuuñ sikka jamātā hai

    kirāya tak nahīñ letā magar chaDDī khulātā hai

    sar-e-bāzār hero se jo accident ho jaa.e

    to us ishq accident se disent ho jaa.e

    ba-zāhir dekhne meñ sirf ik motor Takkar hai

    kisī dil-pheñk se lekin kisī dilbar Takkar hai

    vo heroine ko motor meñ shifā-ḳhāne bhī lā.egā

    aur us ke dil ko bahlāne ko gaanā bhī sunā.egā

    vo gaanā jis meñ hāl-e-dil puurī tarjumānī ho

    magar ye shart hai bharpūr donoñ javānī ho

    vo phir motor se Takkar shikāyat bhuul jā.egī

    vo zaḳhm-e-dil ke aage har jarāhat bhuul jā.egī

    janāb-e-seTh-sāhab jo ik be-māñ bachchī hai

    nihāyat lāDlī hai umr puḳhta aql kachchī hai

    aur us ko seTh ke daftar ke ik baabū se ulfat hai

    manager aur baabū ke liye vaj.h-e-raqābat hai

    natīje meñ vilen nāshād hero shaad hotā hai

    taraqqī ke baabū seTh dāmād hotā hai

    kabhī laḌkī pe jo tanhā safar sāneha guzre

    to chaltī rail meñ bhī ishq ye hādsa guzre

    ki hero rail ke sanDās se Dabbe meñ aa.egā

    aur is ke baad heroine ko bas behosh pā.egā

    vo us ke sar ko phir zaanū pe rakh kar gaal thapkegā

    aur us aañkh se ik ishq aañsū bhī Tapkegā

    to heroine bhī bas ghabrā ke āñkheñ khol Dālegī

    ye us dil sambhālegā vo is dil sambhālegī

    hoñ do bahneñ baḌī un meñ iklautā mangetar ho

    mohabbat se bapā donoñ ke dil meñ ek mahshar ho

    ki chhoTī ko bhī ulfat us se hogī barmalā hogī

    vo apne hone vaale dūlhā-bhā.ī pe fidā hogī

    firāq-e-yār meñ gaane ye andāz hotā hai

    vo jañgal ho ki bastī ho yaqīnan saaz hotā hai

    ġhazal aadhī jo hero ne kisī jañgal meñ gaa.ī hai

    usī aadhī heroine ne bastī meñ sunā.ī hai

    jo sāzinde, pyāno, vailen tabla bajāte haiñ

    kabhī jañgal meñ jaate haiñ kabhī bastī meñ aate haiñ

    ye filmī ishq hai, le de ke bas is ye hāsil hai

    hamārī qaum ke bachchoñ ke haq meñ zahr-e-qātil hai

    'zarīf' anjām kyā hogā jo merā dil bhī kho jaa.e

    kahīñ aisā na ho, mujh ko bhī filmī ishq ho jaa.e

    mohabbat jis ko kahte hain baDi mushkil se hoti hai

    faqat ek bar hoti hai KHulus-e-dil se hoti hai

    jahan-e-film mein, ulfat ka har naKHra nirala hai

    ye aisi dal hai jis dal mein kala hi kala hai

    agar bazar mein laDki phisal jae mohabbat hai

    sahaara pa ke laDke ka sambhal jae mohabbat hai

    kisi laDki ko Daku se chhuDa kar lao ulfat ho

    kisi ki cycle se cycle Takraw ulfat ho

    ye filmi ishq ne kaisa naya pahlu nikala hai

    police-kaptan ki laDki ka aashiq rikshe wala hai

    muqaddar ko kahin se saz-gari hi nahin milti

    wahi milti hai aur koi sawari hi nahin milti

    amiri par gharibi ka wo yun sikka jamata hai

    kiraya tak nahin leta magar chaDDi khulata hai

    sar-e-bazar hero se jo accident ho jae

    to us ka ishq accident se disent ho jae

    ba-zahir dekhne mein sirf ek motor ki Takkar hai

    kisi dil-phenk se lekin kisi dilbar ki Takkar hai

    wo heroine ko motor mein shifa-KHane bhi laega

    aur us ke dil ko bahlane ko gana bhi sunaega

    wo gana jis mein haal-e-dil ki puri tarjumani ho

    magar ye shart hai bharpur donon ki jawani ho

    wo phir motor se Takkar ki shikayat bhul jaegi

    wo zaKHm-e-dil ke aage har jarahat bhul jaegi

    janab-e-seTh-sahab ki jo ek be-man ki bachchi hai

    nihayat laDli hai umr puKHta aql kachchi hai

    aur us ko seTh ke daftar ke ek babu se ulfat hai

    manager aur babu ke liye wajh-e-raqabat hai

    natije mein wilen nashad hero shad hota hai

    taraqqi pa ke babu seTh ka damad hota hai

    kabhi laDki pe jo tanha safar ka saneha guzre

    to chalti rail mein bhi ishq ka ye hadsa guzre

    ki hero rail ke sanDas se Dabbe mein aaega

    aur is ke baad heroine ko bas behosh paega

    wo us ke sar ko phir zanu pe rakh kar gal thapkega

    aur us ki aankh se ek ishq ka aansu bhi Tapkega

    to heroine bhi bas ghabra ke aankhen khol Dalegi

    ye us ka dil sambhaalega wo is ka dil sambhaalegi

    hon do bahnen baDi ka un mein iklauta mangetar ho

    mohabbat se bapa donon ke dil mein ek mahshar ho

    ki chhoTi ko bhi ulfat us se hogi barmala hogi

    wo apne hone wale dulha-bhai pe fida hogi

    firaq-e-yar mein gane ka ye andaz hota hai

    wo jangal ho ki basti ho yaqinan saz hota hai

    ghazal aadhi jo hero ne kisi jangal mein gai hai

    usi ki aadhi heroine ne basti mein sunai hai

    jo sazinde, pyano, wailen tabla bajate hain

    kabhi jangal mein jate hain kabhi basti mein aate hain

    ye filmi ishq hai, le de ke bas is ka ye hasil hai

    hamari qaum ke bachchon ke haq mein zahr-e-qatil hai

    'zarif' anjam kya hoga jo mera dil bhi kho jae

    kahin aisa na ho, mujh ko bhi filmi ishq ho jae

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now