Galat theatre

ba.Daa stage

surKH maKHmalii.n parde ke aage

charlie chaplin kii naql karte hu.e

KHudaa ne Gaa.ebaana taur par maujuud shaa.eqiin kaa shukriya adaa kiyaa

zindagii ko bahut qariib se dikhaa kar KHudaa

apnaa aap manvaa chukaa hai

musalsal taaliyo.n kii guu.nj ne

bazaahir

maahaul banaa diyaa lekin

dar-parda daahinii diivaar se paivasta

kursiyo.n kii lambii qataar lagii hai

izraa.iil suurat-e-intizaar-e-daa.im nahiif ruuho.n par

chaabuk chalaa rahaa hai

KHudaa ke naam par taaliyaa.n baj rahii hai.n

background me.n maGribii mausiiqii bah rahii hai

'ajab kashmakash me.n mubtalaa hai.n

ye jiine kii chaah me.n baiThe hu.e log

mai.n sust-mizaaj zindagii ke theatre me.n taaKHiir se pahu.nchaa

sabhii nashiste.n pur hai.n

ticket-farosh kii aa.nkhe.n Gair-taraashe naaKHun kii tarah

mere chehre me.n chubh rahii hai.n

mai.n Galat theatre me.n aa gayaa huu.n

merii film kahii.n aur release honii thii

ba.Daa stage

surKH maKHmalii.n parde ke aage

charlie chaplin kii naql karte hu.e

KHudaa ne Gaa.ebaana taur par maujuud shaa.eqiin kaa shukriya adaa kiyaa

zindagii ko bahut qariib se dikhaa kar KHudaa

apnaa aap manvaa chukaa hai

musalsal taaliyo.n kii guu.nj ne

bazaahir

maahaul banaa diyaa lekin

dar-parda daahinii diivaar se paivasta

kursiyo.n kii lambii qataar lagii hai

izraa.iil suurat-e-intizaar-e-daa.im nahiif ruuho.n par

chaabuk chalaa rahaa hai

KHudaa ke naam par taaliyaa.n baj rahii hai.n

background me.n maGribii mausiiqii bah rahii hai

'ajab kashmakash me.n mubtalaa hai.n

ye jiine kii chaah me.n baiThe hu.e log

mai.n sust-mizaaj zindagii ke theatre me.n taaKHiir se pahu.nchaa

sabhii nashiste.n pur hai.n

ticket-farosh kii aa.nkhe.n Gair-taraashe naaKHun kii tarah

mere chehre me.n chubh rahii hai.n

mai.n Galat theatre me.n aa gayaa huu.n

merii film kahii.n aur release honii thii