hamein har roz

hameñ har roz

phuul ḳharīdne chāhiyeñ

aur mom-battiyāñ

aur paanī kī ḳhālī botaleñ

aur plastic ke bartan

jañg meñ koī bhī chiiz kaam aa saktī hai

hameñ khilaune nahīñ ḳharīdne chāhiyeñ

kitāboñ kī taraf nahīñ dekhnā chāhiye

dhuup ke chashme aur chhatriyāñ chhupā denī chāhiyeñ

gas-lighter bhī chhupā dene chāhiyeñ

hameñ apnī jeb meñ biscuit

aur māchis kī Dibiyā hamesha rakhnī chāhiye

kisī ko dene yā kuchh jalāne ke liye

ek rūmāl bhī zarūrī hai

zaḳhmī uñgliyoñ yā jaltī huī āñkhoñ ke liye

ek post-card rozāna

latter-box meñ Daal dene chāhiye

Daak nizām bahāl hone par

hamārī ḳhairiyat dostoñ tak pahuñch jā.egī

shāyad vo hamārī talāsh meñ idhar aa jaa.eñ

jahāñ baar baar Dhone vaale log

kho.e hue haiñ

hamein har roz

phul KHaridne chahiyen

aur mom-battiyan

aur pani ki KHali botalen

aur plastic ke bartan

jang mein koi bhi chiz kaam aa sakti hai

hamein khilaune nahin KHaridne chahiyen

kitabon ki taraf nahin dekhna chahiye

dhup ke chashme aur chhatriyan chhupa deni chahiyen

gas-lighter bhi chhupa dene chahiyen

hamein apni jeb mein biscuit

aur machis ki Dibiya hamesha rakhni chahiye

kisi ko dene ya kuchh jalane ke liye

ek rumal bhi zaruri hai

zaKHmi ungliyon ya jalti hui aankhon ke liye

ek post-card rozana

latter-box mein Dal dene chahiye

Dak nizam bahaal hone par

hamari KHairiyat doston tak pahunch jaegi

shayad wo hamari talash mein idhar aa jaen

jahan bar bar Dhone wale log

khoe hue hain