leader ki dua

iblīs mire dil meñ vo zinda tamannā de

jo ġhairoñ ko apnā le aur apnoñ ko Tarḳhā de

bhāshan ke liye dam de aur toñd ko fulvā de

paayā hai jo auroñ ne vo mujh ko bhī dilvā de

paidā dil-e-votar meñ vo shorish-e-mahshar kar

jo josh-e-election meñ Dañkā mirā bajvā de

maiñ apne ilāqa ke logoñ ko bhī ghaplā duuñ

vo shauq-e-siyāsat de vo jhuuT kā jazba de

maiñ nūr-e-sadāqat se parhez karūñ har dam

siine meñ siyāhī kā bahtā huā dariyā de

ehsās ināyat kar kursī kī mohabbat kā

imroz kī shorish meñ be-fikri-e-fardā de

be daal ke būdam par rakh dast-e-karam aaqā

zindāni-e-zulmat kī taqdīr ko chamkā de

iblis mere dil mein wo zinda tamanna de

jo ghairon ko apna le aur apnon ko TarKHa de

bhashan ke liye dam de aur tond ko fulwa de

paya hai jo auron ne wo mujh ko bhi dilwa de

paida dil-e-wotar mein wo shorish-e-mahshar kar

jo josh-e-election mein Danka mera bajwa de

main apne ilaqa ke logon ko bhi ghapla dun

wo shauq-e-siyasat de wo jhuT ka jazba de

main nur-e-sadaqat se parhez karun har dam

sine mein siyahi ka bahta hua dariya de

ehsas inayat kar kursi ki mohabbat ka

imroz ki shorish mein be-fikri-e-farda de

be dal ke budam par rakh dast-e-karam aaqa

zindani-e-zulmat ki taqdir ko chamka de