aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

cricket aur mushaira

Dilawar Figar

cricket aur mushaira

Dilawar Figar

MORE BYDilawar Figar

    mushā.ire bhī tafrīh aim hotā hai

    mushā.ire meñ bhī cricket game hotā hai

    vahāñ jo log khilāḌī haiñ vo yahāñ shā.er

    yahāñ jo sadr-nashīñ hai vahāñ hai empire

    vahāñ pe shart ki ho zor-e-bāzu-e-mahmūd

    yahāñ ye qaid ki ho lahn-e-hazrat-e-dāōd

    vahāñ tamaddun-e-mashriq maut ġham hai

    yahāñ adab ke janāza pe shor-e-mātam hai

    vahāñ riyāz-e-musalsal se kaam chaltā hai

    yahāñ gale ke sahāre kalām chaltā hai

    vahāñ bhī khel meñ no-ball ho to faul hai

    yahāñ bhī sher meñ ihmāl ho to faul hai

    vahāñ hai L.B.W yahāñ ye chakkar hai

    ki andalīb muannas hai muzakkar hai

    vahāñ bhī sirf muqaddar khel hotā hai

    jo unlucky hai yahāñ bhī vo fail hotā hai

    vahāñ hai ek kaptān puurī team jaan

    yahāñ har ek player bajā.e ḳhud kaptān

    yahāñ kuchh aise bhī kaptān paa.e jaate haiñ

    jo ran banāte nahīñ hiT lagā.e jaate haiñ

    vahāñ jo log anāḌī haiñ vaqt kāTte haiñ

    yahāñ bhī kuchh mutashā.er dimāġh chāTte haiñ

    huā kare agar score us zero hai

    yahāñ jo shaḳhs phisaDDī hai vo bhī hero hai

    nigāh jin pahuñchtī hai hashv o iitā par

    banā diyā hai yahāñ un ko back stoper

    adab-navāz pe shout yahāñ bhī hote haiñ

    ye bad-nasīb ran-out yahāñ bhī hote haiñ

    'hanīf' bhī koī bogus cricketer to nahīñ

    magar 'asar' se ziyāda frē-hiter to nahīñ

    bajā hai 'fazl' ke sixer pe marhabā kahnā

    magar 'firāq' baundary kyā kahnā

    mire ḳhayāl ko ahl-e-nazar kareñge catch

    mushā.ira bhī hai ik tarah cricket match

    mushaire ka bhi tafrih aim hota hai

    mushaire mein bhi cricket ka game hota hai

    wahan jo log khilaDi hain wo yahan shaer

    yahan jo sadr-nashin hai wahan hai empire

    wahan pe shart ki ho zor-e-bazu-e-mahmud

    yahan ye qaid ki ho lahn-e-hazrat-e-daood

    wahan tamaddun-e-mashriq ki maut ka gham hai

    yahan adab ke janaza pe shor-e-matam hai

    wahan riyaz-e-musalsal se kaam chalta hai

    yahan gale ke sahaare kalam chalta hai

    wahan bhi khel mein no-ball ho to faul hai

    yahan bhi sher mein ihmal ho to faul hai

    wahan hai LBW yahan ye chakkar hai

    ki andalib muannas hai ya muzakkar hai

    wahan bhi sirf muqaddar ka khel hota hai

    jo unlucky hai yahan bhi wo fail hota hai

    wahan hai ek hi kaptan puri team ki jaan

    yahan har ek player bajae KHud kaptan

    yahan kuchh aise bhi kaptan pae jate hain

    jo ran banate nahin hiT lagae jate hain

    wahan jo log anaDi hain waqt kaTte hain

    yahan bhi kuchh mutashaer dimagh chaTte hain

    hua kare agar score us ka zero hai

    yahan jo shaKHs phisaDDi hai wo bhi hero hai

    nigah jin ki pahunchti hai hashw o ita par

    bana diya hai yahan un ko back stoper

    adab-nawaz pe shout yahan bhi hote hain

    ye bad-nasib ran-out yahan bhi hote hain

    'hanif' bhi koi bogus cricketer to nahin

    magar 'asar' se ziyaada free-hiter to nahin

    baja hai 'fazl' ke sixer pe marhaba kahna

    magar 'firaq' ki baundary ka kya kahna

    mere KHayal ko ahl-e-nazar karenge catch

    mushaira bhi hai ek tarah ka cricket match

    Source:

    Kulliyat-e-Dilavar Figar (Pg. 75)

    • Author: Dilavar Figar
      • Edition: 2003
      • Publisher: Farid Book Depot Pvt. Ltd
      • Year of Publication: 2003

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now