aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Daku

MORE BYZehra Nigaah

    kal raat mirā beTā mire ghar

    chehre pe munḌhe ḳhākī kapḌā

    bandūq uThā.e aa pahuñchā

    nau-umrī surḳhī se rachī us āñkheñ

    maiñ jaan ga.ī

    aur bachpan ke sandal se mañDhā us chehra

    pahchān ga.ī

    vo aayā thā ḳhud apne ghar

    ghar chīzeñ le jaane ko

    an-kahī kahī manvāne ko

    bātoñ meñ duudh ḳhushbū thī

    jo kuchh bhī saiñt ke rakkhā thā

    maiñ saarī chīzeñ le aa.ī

    ik la.al-e-badaḳhshāñ chiḌiyā

    sone haath chhoTā

    chāñdī ik nannhī taḳhtī

    resham phuul bharī Topī

    atlas naam likhā juzdān

    juzdān meñ lipTā ik qur.āñ

    par vo kaisā dīvāna thā

    kuchh chhoḌ gayā kuchh toḌ gayā

    aur le bhī gayā hai vo to kyā

    lohe bad-sūrat gaaḌī

    petrol bhī aa.egī

    jis ke pahiye bhī rabar ke haiñ

    jo baat nahīñ kar pā.egī

    bachcha phir āḳhir bachcha hai

    kal raat mera beTa mere ghar

    chehre pe munDhe KHaki kapDa

    banduq uThae aa pahuncha

    nau-umri ki surKHi se rachi us ki aankhen

    main jaan gai

    aur bachpan ke sandal se manDha us ka chehra

    pahchan gai

    wo aaya tha KHud apne ghar

    ghar ki chizen le jaane ko

    an-kahi kahi manwane ko

    baaton mein dudh ki KHushbu thi

    jo kuchh bhi saint ke rakkha tha

    main sari chizen le aai

    ek lal-e-badaKHshan ki chiDiya

    sone ka hath chhoTa sa

    chandi ki ek nannhi taKHti

    resham ki phul bhari Topi

    atlas ka nam likha juzdan

    juzdan mein lipTa ek quran

    par wo kaisa diwana tha

    kuchh chhoD gaya kuchh toD gaya

    aur le bhi gaya hai wo to kya

    lohe ki bad-surat gaDi

    petrol ki bu bhi aaegi

    jis ke pahiye bhi rabar ke hain

    jo baat nahin kar paegi

    bachcha phir aaKHir bachcha hai

    RECITATIONS

    Zehra Nigaah

    Zehra Nigaah,

    Zehra Nigaah

    Daku Zehra Nigaah

    Source:

    Shaam Kaa Phahlaa Taaraa (Pg. 101)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now