بچے کا خواب
اک بچے نے خواب یہ دیکھا
شہر زمیں پر ہے اک ایسا
سب انساں ہیں جہاں برابر
چھوٹا ہے کوئی اور نا ہے برتر
مل جل کر ہیں سب ہی رہتے
ہمدردی آپس میں رکھتے
کالا بھونڈا کوئی نہیں ہے
صورت سے ہر کوئی حسیں ہے
بچے بھی ہیں سب ہی پیارے
مل کر پڑھنے جاتے سارے
نہیں ہے لڑتا کوئی کسی سے
مل کر رہتے ساتھ خوشی کے
کوئی کسی کی چیز نہ لیتا
غیبت چغلی کوئی نہ کرتا
صاف ہیں خود بھی کپڑے اجلے
بستے بھی تو نہیں ہیں گندے
نیند سے بچہ جب وہ جاگا
ادھر ادھر گھبرا کر دیکھا
کچھ پل میں جب جاگ اٹھا
خواب تھا سب یہ سمجھ گیا
سوچا کاش یہ سچ ہو جائے
ایسی دنیا یہ بن جائے
مأخذ:
شگوفے (Pg. 35)
- مصنف: رضاء الرحمن عاکف سنبھلی
-
- ناشر: ایجو کیشنل پبلشنگ ہاؤس، نئی دہلی
- سن اشاعت: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
