بہت بے آبرو ہو کر

بجی گھنٹی جو چھٹی کی تو ہنستے گاتے ہم نکلے

کسی موٹے سے مولیٰ بخش کے سہہ کر ستم نکلے

بتاؤ ہاتھ پر پڑنے سے اس کا حال کیا ہوگا

نظر آ جاتے ہیں جس بید کے ہم سب کا دم نکلے

کبھی جب بھول کر بستے کو اپنے کھول کر بیٹھے

پھٹی نکلیں کتابیں اور سب ٹوٹے قلم نکلے

نتیجہ گاہ سے نکلے تو اس حالت میں ہم نکلے

کہ لے کر اپنے دل میں فیل ہو جانے کا غم نکلے

بہانہ ٹانگ کی تکلیف کا ایسا کیا ہم نے

کہ لنگڑاتے چلے اور گر پڑے جب دو قدم نکلے

نکالا ممتحن نے نقل کرنے سے تو بولے ہم

بہت بے آبرو ہو کر ترے کمرے سے ہم نکلے