samundar

mirā dil uchhaltā samundar

mirā jazba-e-be-amāñ

merā ek ek armāñ

uchhalte samundar kī sadiyoñ purānī chaTTānoñ se Takrā ke yuuñ reza reza huā hai

ki ghāyal samundar ke siine meñ mahshar bapā hai

har ik mauj dard-āshnā hai

har ik qatra-e-āb anmol hai gauhar-e-be-bahā hai

maiñ hastī ke sāhil kā mab.hūt-o-hairāñ musāfir

mire zard chehre pe jamtī huī ret

merā saraktā huā jism

sab kī nigāhoñ kā markaz banā hai

magar koī aisā nahīñ

koī bhī to nahīñ

jo mirī munjamid gahrī jhīloñ se guzre

mire dil ke qulzum meñ utre

jahāñ kī har ik mauj dard-āshnā hai

har ik qatra-e-āb anmol hai gauhar-e-be-bahā hai

jahāñ ruuh tan se judā hai

azal ke musāfir kī manzil abad hai baqā hai

mera dil uchhalta samundar

mera jazba-e-be-aman

mera ek ek arman

uchhalte samundar ki sadiyon purani chaTTanon se Takra ke yun reza reza hua hai

ki ghayal samundar ke sine mein mahshar bapa hai

har ek mauj dard-ashna hai

har ek qatra-e-ab anmol hai gauhar-e-be-baha hai

main hasti ke sahil ka mabhut-o-hairan musafir

mere zard chehre pe jamti hui ret

mera sarakta hua jism

sab ki nigahon ka markaz bana hai

magar koi aisa nahin

koi bhi to nahin

jo meri munjamid gahri jhilon se guzre

mere dil ke qulzum mein utre

jahan ki har ek mauj dard-ashna hai

har ek qatra-e-ab anmol hai gauhar-e-be-baha hai

jahan ruh tan se juda hai

azal ke musafir ki manzil abad hai baqa hai