aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

facebook

Shaukat Jamal

facebook

Shaukat Jamal

MORE BYShaukat Jamal

    the mohalle meñ bas do chaar dost

    anginat haiñ ab samundar paar dost

    facebōk haiñ karam-farmā.iyāñ

    saarī duniyā meñ haiñ vāqif-kār dost

    in meñ kuchh nādār kuchh ḳhush-hāl haiñ

    kuchh haiñ duniyā-dār kuchh dīñ-dār dost

    sāhab-e-kirdār haiñ in meñ ka.ī

    haiñ magar vo bhī jo haiñ fan-kār dost

    facebōk se mujhe hāsil hue

    jab hue jitne hue darkār dost

    dost kuchh milte haiñ mujh ko mahv-e-ḳhvāb

    beshtar lekin haiñ shab-bedār dost

    hāl-e-dil likhte haiñ mere page par

    aur samajhte haiñ mujhe ġham-ḳhvār dost

    shā.irī se hai shaġhaf to rāt-din

    daad māñgeñ bhej kar ash.ār dost

    bahs chhiḌ jaa.e siyāsat par agar

    be-tukī karte haiñ phir takrār dost

    ho agar koī vilādat vafāt

    facebōk se bhejte haiñ taar dost

    karnā hai like mujhe har post ko

    chuuk ho jaa.e to haiñ ḳhuñḳhār dost

    facebōk ko kholiye jis vaqt bhī

    gher lete haiñ gul-o-gulzār dost

    facebōk āj-kal chaupāl hai

    chauk par milte kahāñ haiñ chaar dost

    the mohalle mein hi bas do chaar dost

    anginat hain ab samundar par dost

    facebook ki hain karam-farmaiyan

    sari duniya mein hain waqif-kar dost

    in mein kuchh nadar kuchh KHush-haal hain

    kuchh hain duniya-dar kuchh din-dar dost

    sahab-e-kirdar hain in mein kai

    hain magar wo bhi jo hain fan-kar dost

    facebook se hi mujhe hasil hue

    jab hue jitne hue darkar dost

    dost kuchh milte hain mujh ko mahw-e-KHwab

    beshtar lekin hain shab-bedar dost

    haal-e-dil likhte hain mere page par

    aur samajhte hain mujhe gham-KHwar dost

    shairi se hai shaghaf to raat-din

    dad mangen bhej kar ashaar dost

    bahs chhiD jae siyasat par agar

    be-tuki karte hain phir takrar dost

    ho agar koi wiladat ya wafat

    facebook se bhejte hain tar dost

    karna hai like mujhe har post ko

    chuk ho jae to hain KHunKHar dost

    facebook ko kholiye jis waqt bhi

    gher lete hain gul-o-gulzar dost

    facebook hi aaj-kal chaupal hai

    chauk par milte kahan hain chaar dost

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now